പൊട്ട് തൊടാത്ത മാധ്യമപ്രവര്‍ത്തകയോട് സംസാരിക്കാന്‍ വിസമ്മതിച്ച ഹിന്ദുത്വ നേതാവിന്റെ കാല്‍തൊട്ടുവണങ്ങി സുധ മൂര്‍ത്തി; വിമര്‍ശനം
ഡൂള്‍ന്യൂസ് ഡെസ്‌ക്
Wednesday, 9th November 2022, 1:16 pm
മുംബൈ: എഴുത്തുകാരിയായ സുധ മൂര്‍ത്തി തീവ്രഹിന്ദുത്വ നേതാവിന്റെ കാല്‍തൊട്ട് വണങ്ങുന്ന വീഡിയോക്കെതിരെ സമൂഹ മാധ്യമങ്ങളില്‍ വിമര്‍ശനം.
ഇന്‍ഫോസിസ് സ്ഥാപകന്‍ നാരായണ മൂര്‍ത്തിയുടെ ഭാര്യയും ബ്രിട്ടീഷ് പ്രധാനമന്ത്രി റിഷി സുനകിന്റെ ഭാര്യ മാതാവുമായ സുധാമൂര്‍ത്തി തീവ്രഹിന്ദുത്വ നിലപാടുള്ള ശിവപ്രതിഷ്ഠാന്‍ സംഘടനാ നേതാവ് സംഭാജി ഭിഡെയുടെ കാല്‍തൊട്ട് നമസ്‌കരിക്കുന്ന വീഡിയോയാണ് പ്രചരിക്കുന്നത്.
നെറ്റിയില്‍ പൊട്ടുതൊടാത്തതിന്റെ പേരില്‍ വനിതാമാധ്യമപ്രവര്‍ത്തകയോട് സംസാരിക്കാന്‍ വിസമ്മതിച്ച സംഭാജി ഭിഡെയുടെ നടപടി ഈയിടെ വിവാദമായിരുന്നു. എന്നാല്‍ സംഭാജി ഭിഡെയെ തനിക്ക് മനസിലായില്ലെന്നും മുതിര്‍ന്ന പൗരനെന്ന നിലയില്‍ ബഹുമാനം കാണിച്ചതാണെന്നുമാണ് സംഭവത്തില്‍ സുധ മൂര്‍ത്തിയുടെ വിശദീകരണം.
