'പ്രചരിക്കുന്നത് അഭ്യൂഹങ്ങള്‍'; സൂപ്പര്‍ താരത്തിന്റെ അല്‍ നസര്‍ സൈനിങ്ങിനെ കുറിച്ച് ക്രിസ്റ്റ്യാനോ
സ്പോര്‍ട്സ് ഡെസ്‌ക്
Sunday, 23rd July 2023, 11:00 am
പോര്‍ച്ചുഗല്‍ താരം ഒട്ടാവോയെ അല്‍ നസര്‍ സൈന്‍ ചെയ്യുന്നുവെന്ന വാര്‍ത്ത നിഷേധിച്ച് ക്രിസ്റ്റ്യാനോ റൊണാള്‍ഡോ. നിലവില്‍ എഫ്.സി പോര്‍ട്ടോക്കായി കളിക്കുന്ന താരത്തെ വരാനിരിക്കുന്ന സമ്മര്‍ ട്രാന്‍സ്ഫറില്‍ അല്‍ നസര്‍ സ്വന്തമാക്കുമെന്ന അഭ്യൂഹങ്ങള്‍ നേരത്തെ പ്രചരിച്ചിരുന്നു. എന്നാല്‍ അതെല്ലാം നുണ പ്രചരണങ്ങള്‍ ആണെന്നും ക്ലബ്ബില്‍ അങ്ങനെയൊരു തീരുമാനം ഉണ്ടായിട്ടില്ലെന്നും റൊണാള്‍ഡോ പറഞ്ഞു.
‘അതെല്ലാം നുണയാണ്. ഇവിടെ ഒന്നും തീരുമാനിച്ചിട്ടില്ല. 10, 15 താരങ്ങള്‍ അല്‍ നസറിലേക്ക് വരുന്നുണ്ടെന്ന് പറഞ്ഞിട്ടുണ്ടായിരുന്നു. പക്ഷെ ഒന്നും കണ്ടില്ല. ഞങ്ങളുടെ ടീം ശക്തിപ്പെടുത്താന്‍ പോകുന്നു എന്നത് വാസ്തവമാണ്. എന്നാല്‍ അത് ഒരു താരത്തെയും ഉദ്ദേശിച്ച് പറഞ്ഞതല്ല,’ റൊണാള്‍ഡോ പറഞ്ഞു.
