കഷ്ടകാലം കഴിഞ്ഞു, ഇനി സൗദിയില്‍ രാജയോഗം; അല്‍ നസറിനൊപ്പം അരങ്ങേറ്റം ഗംഭീരമാക്കി റൊണാള്‍ഡോ
ഡൂള്‍ന്യൂസ് ഡെസ്‌ക്
Monday, 23rd January 2023, 8:21 am
മാഞ്ചസ്റ്റര്‍ യുണൈറ്റഡില്‍ തുടര്‍ച്ചയായി ബെഞ്ചിലിരിക്കേണ്ടി വരികയും ക്ലബ്ബുമായി അഭിപ്രായ വ്യത്യാസങ്ങള്‍ ഉണ്ടാവുകയും ചെയ്തതിനെ തുടര്‍ന്നാണ് പോര്‍ച്ചുഗല്‍ സൂപ്പര്‍താരം ക്രിസ്റ്റ്യാനോ റൊണാള്‍ഡോ ക്ലബ്ബ് വിട്ടത്. തുടര്‍ന്ന് ഫ്രീ ഏജന്റായ താരം ജനുവരിയില്‍ സൗദി അറേബ്യന്‍ ക്ലബ്ബായ അല്‍ നസറിലേക്ക് ചേക്കേറുകയായിരുന്നു.
രണ്ട് മത്സരങ്ങളില്‍ നിന്ന് വിലക്കുണ്ടായതിനാല്‍ ക്ലബ്ബിലെത്തിയിതിന് ശേഷവും റോണോക്ക് അല്‍ നസര്‍ ജേഴ്‌സിയില്‍ കളിക്കാന്‍ സാധിച്ചിരുന്നില്ല.
ഞായറാഴ്ചയാണ് താരം പുതിയ ക്ലബ്ബിനൊപ്പം അരങ്ങേറ്റം നടത്തിയത്. എത്തിഫാഖിനെതിരെ നടന്ന മത്സരത്തില്‍ എതിരില്ലാത്ത ഒരു ഗോളിന് ജയിച്ച് അല്‍ നസറിലെ തുടക്കം ഗംഭീരമാക്കാന്‍ താരത്തിനായി. മത്സരത്തില്‍ ടാലിസ്‌കയാണ് അല്‍ നസറിനായി വിജയ ഗോള്‍ നേടിയത്.
