റൊണാള്‍ഡോ പി.എസ്.ജിയിലേക്കോ? ഒന്നിച്ച് കളിക്കാന്‍ ആഗ്രഹിക്കുന്നെന്ന് നെയ്മര്‍
സ്പോര്‍ട്സ് ഡെസ്‌ക്
Thursday, 13th May 2021, 2:08 pm
പാരിസ്: യുവന്റസിന്റെ പോര്‍ച്ചുഗല്‍ താരം ക്രിസ്റ്റ്യാനൊ റൊണാള്‍ഡോ പി.എസ്.ജിയിലെത്തിയേക്കുമെന്ന് റിപ്പോര്‍ട്ട്. യുവന്റസ് വിടാന്‍ താരം ഒരുങ്ങുന്നുവെന്ന ഊഹാപോഹങ്ങള്‍ക്കിടെ റൊണാള്‍ഡോയ്‌ക്കൊപ്പം കളിക്കാന്‍ ആഗ്രഹിക്കുന്നുവെന്ന വെളിപ്പെടുത്തലുമായി പി.എസ്.ജി സൂപ്പര്‍താരം നെയ്മര്‍ രംഗത്തെത്തി.
‘എനിക്ക് റൊണാള്‍ഡോയ്‌ക്കൊപ്പം കളിക്കണം. മെസി, എംബാപ്പെ തുടങ്ങി മഹാന്മാരായവര്‍ക്കൊപ്പം എനിക്ക് കളിക്കാന്‍ സാധിച്ചു. എന്നാല്‍ റൊണാള്‍ഡോയ്‌ക്കൊപ്പം കളിക്കാന്‍ സാധിച്ചിട്ടില്ല,’ നെയ്മര്‍ പറഞ്ഞു.
ബുധനാഴ്ച സാസോളയ്‌ക്കെതിരെ യുവന്റസിനായി റൊണാള്‍ഡോ 100-ാം ഗോള്‍ നേടിയിരുന്നു. താരം യുവന്റസില്‍ തുടരില്ലെന്നാണ് റിപ്പോര്‍ട്ട്.
തന്റെ പഴയ ക്ലബായ റയല്‍ മാഡ്രിഡ്, മാഞ്ചസ്റ്റര്‍ സിറ്റി എന്നിവയ്‌ക്കൊപ്പം പി.എസ്.ജിയുമായും താരം ബന്ധപ്പെടുന്നുണ്ട്.
