ജൂനിയറിന് 13 വയസ്; സ്‌പെഷ്യല്‍ സന്ദേശം പങ്കുവെച്ച് റോണോ
സ്പോര്‍ട്സ് ഡെസ്‌ക്
Saturday, 17th June 2023, 6:45 pm
ക്രിസ്റ്റ്യാനോ റൊണാള്‍ഡോയുടെ മൂത്ത മകന് ക്രിസ്റ്റ്യാനോ ജൂനിയറിന് ശനിയാഴ്ച 13 വയസ് തികയുകയാണ്. 2010 ജൂണ്‍ 17നാണ് റൊണാള്‍ഡോ ജൂനിയറിന്റെ ജനനം. മകന് പിറന്നാള്‍ ആശംസകളുമായി എത്തുകായാണിപ്പോള്‍ റോണോ.
‘അഭിനന്ദനങ്ങള്‍, എന്റെ സേനാംഗത്തിന് ഇതിനകം 13 വയസായി. അച്ഛന്‍ നിന്നെ വളരെയധികം സ്‌നേഹിക്കുന്നു,’ മകനൊപ്പം പങ്കുവെച്ച ചിത്രത്തിനടിയില്‍ റോണോ കുറിച്ചു.
പിതാവിന്റെ പോലെ ഫുട്‌ബോള്‍ തന്നെയാണ് ക്രിസ്റ്റ്യാനോ ജൂനിയറും തെരഞ്ഞെടുത്ത വഴി. ഇതിനോടകം വിവിധ അക്കാദമിയില്‍ ജൂനിയര്‍ കളിച്ചിട്ടുണ്ട്. നിലവില്‍ സൗദി അറേബ്യയിലെ മഹ്ദ് അക്കാദമിയില്‍ ഫോര്‍വേഡാണ് താരം. ക്രിസ്റ്റ്യാനോ റൊണാള്‍ഡോ, പങ്കാളി ജോര്‍ജിന റോഡ്രിഗസ് എന്നിവര്‍ക്കൊപ്പം റിയാദിലാണ് ജൂനിയര്‍ താമസിക്കുന്നത്.
