പൊലീസ് ഡ്രൈവറെ മര്‍ദിച്ചു; ഡി.ജി.പി. സുദേഷ് കുമാറിന്റെ മകള്‍ക്കെതിരെ കുറ്റപത്രവുമായി ക്രൈംബ്രാഞ്ച്
ഡൂള്‍ന്യൂസ് ഡെസ്‌ക്
Monday, 10th May 2021, 8:03 am
തിരുവനന്തപുരം: പൊലീസ് ഡ്രൈവറെ തല്ലിയ കേസില്‍ വിജിലന്‍സ് ഡയറക്ടര്‍ സുദേഷ് കുമാറിന്റെ മകള്‍ക്കെതിരേ കുറ്റപത്രം സമര്‍പ്പിക്കാന്‍ ക്രൈംബ്രാഞ്ച്. ഇതിനായി സര്‍ക്കാരിന്റെ അഭിപ്രായം തേടും.
ക്രൈംബ്രാഞ്ച് കണ്ടെത്തലിന്റെ അടിസ്ഥാനത്തില്‍ നടപടി സ്വീകരിക്കാന്‍ പൊലീസ് മേധാവി നിര്‍ദേശം നല്‍കിയതിനു പിന്നാലെയാണിത്.
പൊലീസ് ഡ്രൈവറായ ഗവാസ്‌കറെ സുദേഷ് കുമാറിന്റെ മകള്‍ പരസ്യമായി കൈയേറ്റം ചെയ്തുവെന്നാണ് കേസ്. ഇതിനെതിരേ സുദേഷ് കുമാറിന്റെ മകളും പരാതി നല്‍കിയിരുന്നു.
സുദേഷ് കുമാറിന്റെ മകള്‍ക്കെതിരേ കുറ്റപത്രം നല്‍കാമെന്നും എതിര്‍പരാതിയില്‍ കഴമ്പില്ലെന്നുമാണ് അന്വേഷണ റിപ്പോര്‍ട്ട്.
