ദി ഗാര്‍ഡിയനിലെ റിപ്പോര്‍ട്ടുകള്‍ പ്രകാരം 2028 ലെ ലോസ് ഏഞ്ചല്‍സ് ഒളിമ്പിക് ഗെയിംസിന്റെ ഭാഗമായി ടി-20 ക്രിക്കറ്റ് ഉണ്ടാകുമെന്നാണ് പ്രതീക്ഷിക്കുന്നത്. ഒളിമ്പിക്സില് ആദ്യമായി പ്രത്യക്ഷപ്പെട്ട് 128 വര്‍ഷങ്ങള്‍ക്ക് ശേഷമാണ് ക്രിക്കറ്റ് ഒളിമ്പിക്സില് തിരിച്ചെത്തുന്നത്.
ലോസ് ഏഞ്ചല്‍സ് ഒളിമ്പിക്സില് ക്രിക്കറ്റ് ഉള്‍പ്പെടുത്താന്‍ സാധ്യതയുണ്ടെന്ന് ഗാര്‍ഡിയനുമായി അടുത്ത വൃത്തങ്ങള്‍ പറയുന്നു. പുരുഷ വനിതാ ടി-20 ടീമുകള്‍ സ്വര്‍ണ മെഡലിനായി പോരാടും.
ഐ.സി.സി ടി-20 റാങ്കിങ്ങിന്റെ അടിസ്ഥാനത്തില്‍ അഞ്ച് പുരുഷ വനിതാ ടീമുകളാണ് പങ്കെടുക്കാന്‍ സാധ്യതയുള്ളത്. 1900-ല്‍ ഗ്രേറ്റ് ബ്രിട്ടനില്‍ നടന്ന ഗെയിംസില്‍ സ്വര്‍ണത്തിനായുള്ള ഒരു മത്സരത്തിന് ശേഷം നടക്കുന്ന ആദ്യ ഒളിമ്പിക് ക്രിക്കറ്റാണിത്.
ഒളിമ്പിക്സില് ക്രിക്കറ്റിനെ ഉള്‍പ്പെടുത്തുന്നതോടെ അന്താരാഷ്ട്ര ഒളിമ്പിക്സ് കമ്മിറ്റിക്ക് വലിയ പ്രോത്സാഹനം ലഭിക്കാന്‍ സാധ്യതയുണ്ട് ബേസ്‌ബോള്‍/സോഫ്റ്റ്‌ബോള്‍, ഫ്‌ളാഗ് ഫുട്‌ബോള്‍, ലാക്രോസ്, ബ്രേക്ക് ഡാന്‍സ്, കരാട്ടെ, കിക്ക്‌ബോക്‌സിംഗ്, സ്‌ക്വാഷ്, മോട്ടോര്‍സ്‌പോര്‍ട്ട് എന്നിവയ്‌ക്കൊപ്പം ഷോര്‍ട്ട്ലിസ്റ്റ് ചെയ്ത ഒമ്പത് കായിക ഇനങ്ങളില്‍ ഒന്നാണ് ക്രിക്കറ്റ്.
ക്രിക്കറ്റിനെ ആഗോള തലത്തിലേക്ക് കൊണ്ടുപോകാനുള്ള ഐ.സി.സിയുടെ നിലപാട് ഇതിലൂടെ യഥാര്‍ത്ഥ്യമാകും. 2022-ല്‍ ബര്‍മിംഗ്ഹാമില്‍ നടന്ന കോമണ്‍വെല്‍ത്ത് ഗെയിംസിന്റെ ഭാഗമായി വനിതാ ടി-20 ക്രിക്കറ്റ് മത്സരങ്ങള്‍ നടത്തിയിരുന്നു.
2028ലെ ലോസ് ഏഞ്ചല്‍സ് ഒളിമ്പിക് ഗെയിംസില്‍ ക്രിക്കറ്റ് ഉള്‍പ്പെടുത്തിയാല്‍ ഇംഗ്ലണ്ട് ടീം ഗ്രേറ്റ് ബ്രിട്ടന്‍ ആയി കളിക്കാന്‍ സാധ്യതയുണ്ട്. 2022 ലെ കോമണ്‍വെല്‍ത്ത് ഗെയിംസിനായി, വെസ്റ്റ് ഇന്‍ഡീസ് റാങ്കിങ്ങിലൂടെ യോഗ്യത നേടിയിരുന്നു. ഒരു പ്രാദേശിക യോഗ്യതാ മത്സരത്തിന് ശേഷം ബാര്‍ബഡോസ് ടീം വിന്‍ഡീസിനായി പ്രതിനിധീകരിച്ചു.
.
മേജര്‍ ലീഗ് ക്രിക്കറ്റ് ഇതിനകം തന്നെ യു.എസില്‍ സൂപ്പര്‍ഹിറ്റായതിനാല്‍, ഒളിമ്പിക്‌സിലെ ക്രിക്കറ്റിന്റെ ഇടപെടല്‍ രാജ്യത്ത് ഗെയിം വികസിപ്പിക്കാന്‍ സഹായിക്കുകയും കൂടുതല്‍ ആളുകളെ കായികരംഗത്ത് പ്രൊഫഷണലായി ഏറ്റെടുക്കാന്‍ അനുവദിക്കുകയും ചെയ്യും.
Content Highlight: Cricket to Be take Part in Olympics 2028