ആവേശകരമായ ഫൈനല്‍ മത്സരം സമ്മാനിച്ചാണ് 2023ലെ ഐ.പി.എല്‍ കിരീടം ചെന്നൈ സൂപ്പര്‍ കിങ്‌സ് സ്വന്തമാക്കിയത്. അവസാന ഓവറിലെ അവസാന പന്ത് വരെ ആവേശം അലതല്ലിയ ഫൈനലില്‍ അഞ്ച് വിക്കറ്റിനായിരുന്നു ഗുജറാത്തിനെ ചെന്നൈ പരാജയപ്പെടുത്തിയത്.
അഹമ്മദാബാദിലെ നരേന്ദ്ര മോദി സ്റ്റേഡിയത്തില്‍ നടന്ന ഫൈനലില്‍ ആദ്യം ബാറ്റ് ചെയ്ത ഗുജറാത്ത് ടൈറ്റന്‍സ് നിശ്ചിത 20 ഓവറുകളില്‍ 214/4 എന്ന സ്‌കോര്‍ നേടിയപ്പോള്‍ മഴയെത്തുടര്‍ന്ന് ചെന്നൈ സൂപ്പര്‍കിങ്സിന്റെ വിജയലക്ഷ്യം 15 ഓവറില്‍ 171 റണ്‍സായി പുനര്‍നിശ്ചയിക്കുകയായിരുന്നു.
𝗗𝗢 𝗡𝗢𝗧 𝗠𝗜𝗦𝗦!
Two shots of excellence and composure!
Finishing in style, the Ravindra Jadeja way 🙌#TATAIPL | #Final | #CSKvGT pic.twitter.com/EbJPBGGGFu
— IndianPremierLeague (@IPL) May 29, 2023
അവസാന ഓവറില്‍ രവീന്ദ്ര ജഡേജയുടെ നിശ്ചയദാര്‍ഢ്യത്തോടെയുള്ള പ്രകടനം സി.എസ്.കെയെ അഞ്ചാം ഐ.പി.എല്‍ കിരീടത്തില്‍ മുത്തമിടീക്കുകയായിരുന്നു.
അവസാന ഓവറില്‍ 13 റണ്‍സായിരുന്നു ചെന്നൈക്ക് വിജയിക്കാന്‍ വേണ്ടിയിരുന്നത്. മോഹിത് ശര്‍മയെയായയിരുന്നു ഗുജറാത്തിനായി പന്തെറിയാന്‍ ക്യാപ്റ്റന്‍ ഹാര്‍ദിക് പണ്ഡ്യ ഏല്‍പ്പിച്ചത്. ആദ്യ പന്ത് ഡോട്ട് ബോളെറിഞ്ഞ മോഹിത്, രണ്ടാം പന്തില്‍ ഒരു റണ്‍സ് മാത്രമാണ് വിട്ടുകൊടുത്തത്. പന്നീടൂള്ള രണ്ട് പന്തും ബൗണ്ടറി വിട്ടുകൊടുക്കാതെ കളി ഗുജറാത്തിന്റെ വരുതിയിലാക്കാന്‍ മോഹിത്തിനായി. എന്നാല്‍ അവസാന രണ്ട് പന്തില്‍ ഒരു സിക്‌സും ഒരു ബൗണ്ടറിയും വിട്ടുകൊടുത്ത മോഹിത് മത്സരം കൈവിടുകയായിരുന്നു.
