സ്മിത്തും വാര്‍ണറും തിരിച്ചെത്തി; ലോകകപ്പ് ടീമിനെ പ്രഖ്യാപിച്ച് ഓസ്ട്രേലിയ
ഡൂള്‍ന്യൂസ് ഡെസ്‌ക്
Monday, 15th April 2019, 5:35 pm
മെല്‍ബണ്‍: ഏകദിന ലോകകപ്പിനുള്ള പതിനഞ്ചംഗ ടീമിനെ പ്രഖ്യാപിച്ച് ഓസ്ട്രേലിയ. പന്തു ചുരണ്ടല്‍ വിവാദത്തില്‍ സസ്പെന്‍ഷനിലായിരുന്ന ഡേവിഡ് വാര്‍ണറെയും സ്റ്റീവ് സ്മിത്തിനെയും ഉള്‍പ്പെടുത്തിയാണ് ഇംഗ്ലണ്ടില്‍ അടുത്തമാസം നടക്കുന്ന ഏകദിന ലോകകപ്പിനുള്ള പതിനഞ്ചംഗ ടീമിനെ ഓസ്ട്രേലിയ പ്രഖ്യാപിച്ചത്.
ആരോണ്‍ ഫിഞ്ചാണ് ടീം ഓസ്‌ട്രേലിയയെ നയിക്കുക. ഓപ്പണിംഗ് ബാറ്റ്സ്മാന്‍ ഷോണ്‍ മാര്‍ഷിനെ ഉള്‍പ്പെടുത്തിയ ടീമില്‍ മിച്ചല്‍ സ്റ്റാര്‍ക്ക് മടങ്ങിയെത്തി. സ്പിന്നര്‍മാരായി ആദം സാമ്പ, നഥാന്‍ ലയോണ്‍ എന്നിവരെ ഉള്‍പ്പെടുത്തി. അലക്സ് കാരിയാണ് വിക്കറ്റ് കീപ്പര്‍.
