ഭാഗ്യത്തിന് കുറച്ച് നേരമെ ക്രീസിലുണ്ടായിരുന്നുള്ളൂ; കൂറ്റന്‍ സിക്സില്‍ സ്റ്റേഡിയത്തിലെ ചില്ല് തകര്‍ത്ത് ഗെയ്ല്‍
സ്പോര്‍ട്സ് ഡെസ്‌ക്
Friday, 27th August 2021, 7:48 pm
സെന്റ് ലൂസിയ: ക്രിസ് ഗെയ്ലിന്റെ കൂറ്റന്‍ സിക്സറിനെ തുടര്‍ന്ന് സ്റ്റേഡിയത്തില്‍ നാശനഷ്ടം. കരിബിയന്‍ പ്രമീയര്‍ ലീഗില്‍ സെന്റ് കിറ്റ്‌സ് & നെവിസ് പാട്രിയോട്ടിനായി ബാറ്റ് ചെയ്യവേ ക്രിസ് ഗെയ്ല്‍ പറത്തിയ കൂറ്റന്‍ സിക്സര്‍ കാരണം സ്റ്റേഡിയത്തിലെ ചില്ലുകള്‍ തകര്‍ന്നു.
ഗയാന ആമസോണ്‍ വാരിയേഴ്സിനെതിരെയുള്ള മത്സരത്തില്‍ ജേസണ്‍ ഹോള്‍ഡര്‍ എറിഞ്ഞ അഞ്ചാം ഓവറിലെ പന്തിലാണ് താരം കൂറ്റന്‍ സിക്സര്‍ പറത്തിയത്.
ഗെയ്ല്‍ അടിച്ചു തകര്‍ത്ത ചില്ലിന്റെ ചിത്രം പങ്കുവെച്ചാണ് കരീബിയന്‍ പ്രീമിയര്‍ ലീഗ് ഔദ്യോഗിക പേജ് ഇതിനോട് തമാശ രൂപേണ പ്രതികരിച്ചത്.
അധികസമയം ക്രീസില്‍ ഉണ്ടായിരുന്നില്ലെങ്കിലും അല്‍പ്പം നാശനഷ്ടങ്ങള്‍ വരുത്തി എന്നാണ് സി.പി.എല്ലിന്റെ പ്രതികരണം.
