കണ്ണൂര്‍: കൊളവല്ലൂര്‍ തുവക്കുന്നില്‍ സി.പി.ഐ.എം-ബിജെപി സംഘര്‍ഷം. സംഘര്‍ഷത്തില്‍ ബി.ജെ.പി പ്രവര്‍ത്തകനായ അജിത്, സി.പി.ഐ.എം പ്രവര്‍ത്തകനായ വിനീഷ് എന്നിവര്‍ക്കാണ് വെട്ടേറ്റത്. സംഭവത്തില്‍ ഒരു സി.പി.ഐ.എം പ്രവര്‍ത്തകനും രണ്ട് ബി.ജെപി പ്രവര്‍ത്തകര്‍ക്കും പരിക്കേറ്റു.
ദേഹമാസകലം വെട്ടേറ്റ വിനീഷിനെ തലശേരി സഹകരണ ആശുപത്രിയില്‍ പ്രവേശിപ്പിച്ചു.
ALSO READ:നിരോധനാഞ്ജ ലംഘിച്ച് സന്നിധാനത്തെ പ്രതിഷേധം; പ്രതിഷേധക്കാരെ പൊലീസ് അറസ്റ്റ് ചെയ്തു
മറ്റൊരു ബി.ജെ.പി പ്രവര്‍ത്തകനായ നിഖിലിനും പരിക്കുണ്ട്. പ്രദേശത്ത് സംഘര്‍ഷാവസ്ഥ നിലനില്‍ക്കുകയാണ്. ഞായറാഴ്ച രാത്രി 11 മണിയോടെയായിരുന്നു അക്രമസംഭവങ്ങള്‍.
മയ്യഴിയില്‍ സി.പി.ഐ.എം പ്രവര്‍ത്തകന്റെ വീടിന് നേരെ ആര്‍.എസ്.എസുകാര്‍ കല്ലെറിഞ്ഞു. മൂലക്കടവ് ബ്രാഞ്ച് സെക്രട്ടറി ടി.രവീന്ദ്രന്റെ വീടിന് നേരെയാണ് ആര്‍.എസ്.എസുകാര്‍ കല്ലെറിഞ്ഞത്. ഞായറാഴ്ച രാത്രി 11.30ഓടെ വാഹനങ്ങളിലെത്തിയ ഏഴംഗഗസംഘമാണ് വലിയ സിമന്റ് കട്ടകൊണ്ട് വീടിന് നേരെ എറിഞ്ഞത്.