തിരുവനന്തപുരം: തിരുവനമ്പുരം തൂമ്പയില്‍ സി.പി.ഐ.എം-സി.പി.ഐ സംഘര്‍ഷത്തില്‍ സി.പി.ഐ പ്രവര്‍ത്തകന് വെട്ടേറ്റു. സുരേഷിനാണ് വെട്ടേറ്റത്. ഇന്ന് രാവിലെയായിരുന്നു സംഭവം.

മൂന്ന് ദിവസം മുന്‍പ് സി.പി.ഐ-സി.പി.ഐ.എം സംഘര്‍ഷം ഉണ്ടായിരുന്നു. ഇതിന്റെ തുടര്‍ച്ചയെന്നോണമാണ് ഇന്നും സംഘര്‍ഷമുണ്ടായത്. അഞ്ചോളം വരുന്ന പ്രവര്‍ത്തകരാണ് സുരേഷിനെ വെട്ടിയത്.

പരിക്കേറ്റ സുരേഷിനെ തിരുവനന്തപുരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. സംഭവത്തിന് പിന്നില്‍ സി.പി.ഐ.എം പ്രവര്‍ത്തകരാണെന്ന് സി.പി.ഐക്കാര്‍ ആരോപിക്കുന്നു. സംഭവത്തില്‍ പോലീസ് കേസ് രജിസ്റ്റര്‍ ചെയ്തിട്ടുണ്ട്.