ബെഗുസാരായിയില്‍ സി.പി.ഐ പ്രവര്‍ത്തകനെ അടിച്ചുകൊന്നു
ഡൂള്‍ന്യൂസ് ഡെസ്‌ക്
Friday, 17th May 2019, 9:58 pm
ബെഗുസാരായി: ബീഹാറിലെ ബെഗുസരായിയില്‍ ദളിത് കര്‍ഷകനും സി.പി.ഐ പ്രവര്‍ത്തകനുമായ ഫാഗോ താന്തി (65) എന്നയാളെ തട്ടിക്കൊണ്ട് പോയ ശേഷം അടിച്ചുകൊന്നു. മഹാജി ഗ്രാമത്തിലെ മതിഹാനി പൊലീസ് സ്റ്റേഷന്‍ പരിധിയിലാണ് സംഭവം.
കൊലപാതകത്തിന് പിന്നില്‍ ബി.ജെ.പി പ്രവര്‍ത്തകരാണെന്നാണ് സംശയം. കനയ്യ കുമാറിന് വേണ്ടി തെരഞ്ഞെടുപ്പ് പ്രചാരണങ്ങളില്‍ ഭാഗമായിരുന്ന ഫാഗോ പോളിങ് ദിവസം ബി.ജെ.പിയുടെ തെരഞ്ഞെടുപ്പ് അട്ടിമറി ശ്രമങ്ങളെ ചോദ്യം ചെയ്തിരുന്നുവെന്നും ഇതാണ് അദ്ദേഹത്തെ ലക്ഷ്യമാക്കാന്‍ കാരണമെന്നും ഇടതുപക്ഷ പ്രവര്‍ത്തകര്‍ ആരോപിച്ചു.
ഫാഗോയെ തട്ടിക്കൊണ്ടു പോയതിന് ശേഷം സി.പി.ഐ നേതൃത്വം പൊലീസിന് പരാതി നല്‍കിയിരുന്നെങ്കിലും നടപടി ഉണ്ടായില്ലെന്നും പ്രവര്‍ത്തകര്‍ ആരോപിക്കുന്നു.
