'ചാണകം ദേഹത്തു തേച്ച് മന്ത്രം ജപിച്ചാല്‍ കൊറോണയെ തടയാം'; പുതിയ വാദവുമായി ഹിന്ദുമഹാസഭാ അധ്യക്ഷന്‍
ഡൂള്‍ന്യൂസ് ഡെസ്‌ക്
Friday, 31st January 2020, 9:48 pm
ന്യൂദല്‍ഹി: ആഗോളതലത്തില്‍ വ്യാപിക്കുന്ന കൊറോണ വൈറസിനെ ഗോമൂത്രവും ചാണകവും ഉപയോഗിച്ച് മാറ്റാമെന്ന് ഹിന്ദുമഹാസഭ ദേശീയാധ്യക്ഷന്‍ ചക്രപാണി മഹാരാജ്. നോവല്‍ കൊറോണ വൈറസിനെ കൊല്ലാനും ലോകത്ത് അത് കൊണ്ടുണ്ടായ പ്രത്യാഘാതങ്ങള്‍ ഇല്ലാതാക്കാനും പ്രത്യേക യാഗം നടത്തുമെന്നും ചക്രപാണി പറഞ്ഞു.
‘ഗോമൂത്രവും ചാണകവും ഉപയോഗിക്കുന്നത് രോഗം പരത്തുന്ന കൊറോണ വൈറസിനെ തടയും. ഓം നമഃ ശിവായ ചൊല്ലി ദേഹത്ത് ചാണകം തേച്ചു പുരട്ടൂ, രക്ഷപ്പെടും. ഒരു പ്രത്യേക യാഗവും പെട്ടെന്നു തന്നെ വൈറസിനെ കൊല്ലാനായി നടത്തുന്നുണ്ട്,’ ചക്രപാണി പറഞ്ഞു.
