46 ജീവനക്കാര്‍ക്ക് കൊവിഡ്; ഗുരുവായൂരില്‍ ശനിയാഴ്ച മുതല്‍ പ്രവേശനമില്ല
ഡൂള്‍ന്യൂസ് ഡെസ്‌ക്
Friday, 11th December 2020, 8:11 pm
തൃശ്ശൂര്‍: ഗുരുവായൂര്‍ ക്ഷേത്രത്തില്‍ ശനിയാഴ്ച മുതല്‍ സന്ദര്‍ശകര്‍ക്ക് വിലക്ക്. 46 ജീവനക്കാര്‍ക്ക് കൊവിഡ് സ്ഥിരീകരിച്ചതോടെയാണ് ക്ഷേത്രപ്രവേശനം താല്‍ക്കാലികമായി വിലക്കാന്‍ ദേവസ്വം ബോര്‍ഡ് തീരുമാനിച്ചത്.
ജീവനക്കാര്‍ക്ക് കൂട്ടത്തോടെ കൊവിഡ് സ്ഥിരീകരിച്ച പശ്ചാത്തലത്തില്‍ ക്ഷേത്ര പരിസരം കണ്ടെയ്ന്‍മെന്റ് സോണായി പ്രഖ്യാപിച്ചു. അതേസമയം ക്ഷേത്രത്തിലെ പതിവ് പൂജകളും ചടങ്ങുകളും നടക്കും.
കൂടാതെ ശനിയാഴ്ച നടത്താന്‍ തീരുമാനിച്ച വിവാഹങ്ങളും ക്ഷേത്രത്തില്‍ നടത്തും. തൃശ്ശൂര്‍ ജില്ലയില്‍ ഇന്ന് 272 പേര്‍ക്കാണ് കൊവിഡ് സ്ഥിരീകരിച്ചത്. ഇതില്‍ 265 പേര്‍ക്കും സമ്പര്‍ക്കത്തിലൂടെയാണ് രോഗം ബാധിച്ചത്.
