12 വയസുമുതല്‍ 15 വയസുവരെയുള്ള കുട്ടികള്‍ക്ക് കൊവിഡ് വാക്‌സിന്‍; അനുമതി നല്‍കി കാനഡ
ഡൂള്‍ന്യൂസ് ഡെസ്‌ക്
Thursday, 6th May 2021, 8:32 am
ഒട്ടാവ: 12 വയസുമുതല്‍ 15 വയസുവരെയുള്ള കുട്ടികള്‍ക്ക് കൊവിഡ് വാക്‌സിന്‍ നല്‍കാന്‍ അനുമതി നല്‍കി കാനഡ. ഇത്തരത്തില്‍ അനുമതി നല്‍കുന്ന ആദ്യ രാജ്യമാണ് കാനഡ.
ഫൈസര്‍-ബയോടെക് വാക്‌സിനാണ് കുട്ടികള്‍ക്ക് നല്‍കുക. നേരത്തെ കുട്ടികളില്‍ ഫൈസര്‍ വാക്‌സിന്‍ പരീക്ഷണങ്ങള്‍ നടത്തിയിരുന്നു. ഇത് വിലയിരുത്തിയാണ് കാനഡ വാക്‌സിന്‍ നല്‍കാന്‍ അനുമതി നല്‍കിയിരിക്കുന്നത്.
നേരത്തെ 16 വയസിന് മുകളിലുള്ളവര്‍ക്ക് വാക്‌സിന്‍ നല്‍കാന്‍ സര്‍ക്കാര്‍ അനുമതി നല്‍കിയിരുന്നു. അമേരിക്കയിലും കുട്ടികള്‍ക്ക് വാക്‌സിന്‍ നല്‍കാന്‍ ഫൈസര്‍ അനുമതി തേടിയിട്ടുണ്ട്.
