ജീവനക്കാര്‍ക്ക് കൊവിഡ്; പാലിയേക്കര ടോള്‍ പിരിവ് നിര്‍ത്തി
ഡൂള്‍ന്യൂസ് ഡെസ്‌ക്
Tuesday, 10th November 2020, 11:34 pm
തൃശ്ശൂര്‍: പാലിയേക്കര ടോള്‍ പ്ലാസയില്‍ ജീവനക്കാര്‍ക്ക് കൂട്ടത്തോടെ കൊവിഡ് സ്ഥിരീകരിച്ചു. ഇരുപതു ജീവനക്കാര്‍ക്കാണ് കൊവിഡ് സ്ഥിരീകരിച്ചിരിക്കുന്നത്. ഇതോടെ ടോള്‍ പ്ലാസയിലെ ടോള്‍ പിരിവ് നിര്‍ത്തി വെച്ച.
ടോള്‍ പ്ലാസയിലെ 95 ജീവനക്കാരെ നിരീക്ഷണത്തിലാക്കുകയും ചെയ്തു. ഡി.എം.ഒയുടെ നിര്‍ദ്ദേശ പ്രകാരമായിരുന്നു ടോള്‍ പ്ലാസയില്‍ പരിശോധന നടത്തിയത്.
നിരവധി വാഹനങ്ങളാണ് പാലിയേക്കരയിലൂടെ കടന്നുപോകുന്നത്. നേരത്തെ തന്നെ രോഗ വ്യാപനത്തിന് സാധ്യത കൂടുതലാണെന്ന് ആരോഗ്യ വിഭാഗം മുന്നറിയിപ്പ് നല്‍കിയിരുന്നു.
ചുരുങ്ങിയത് രണ്ടാഴ്ച സമയമെങ്കിലും കഴിയാതെ ഇനി ടോള്‍ പ്ലാസയിലെ പിരിവ് പുനരാരംഭിക്കാന്‍ സാധിക്കില്ല. തൃശ്ശൂര്‍ ജില്ലയില്‍ മാത്രം ഇന്ന് 711 പേര്‍ക്കാണ് കൊവിഡ് സ്ഥിരീകരിച്ചത. ഇതില്‍ 685 പേര്‍ക്ക് സമ്പര്‍ക്കത്തിലൂടെയാണ് രോഗം.
