ആനകള്‍ക്കും കൊവിഡ് പരിശോധന, പരിശോധിക്കുന്നത് 110ലധികം ആനകളെ; രാജസ്ഥാനില്‍ നടക്കുന്നതിങ്ങനെ
ഡൂള്‍ന്യൂസ് ഡെസ്‌ക്
Friday, 12th June 2020, 7:56 pm
രാജസ്ഥാനില്‍ 25000ലധികം കൊവിഡ് പരിശോധനകളാണ് ഒരു ദിവസം നടക്കുന്നത്. ദല്‍ഹിയും തമിഴ്‌നാടും കഴിഞ്ഞാല്‍ ഏറ്റവും കൂടുതല്‍ പരിശോധന നടക്കുന്നത് ഇവിടെയാണ്. സംസ്ഥാനത്ത് ആനകളുടെ കൊവിഡ് പരിശോധനയും ആരംഭിച്ചിരിക്കുകയാണ്.
വ്യാഴാഴ്ചയാണ് ആനകളുടെ കൊവിഡ് പരിശോധന ആരംഭിച്ചത്. 110ലേറെ ആനകളുടെ പരിശോധനയാണ് സംസ്ഥാനത്ത് നടക്കുക. എലഫന്റ് വില്ലേജിലുള്ള 63 ആനകളുടെയും അംബര്‍ ഫോര്‍ട്ടിന് സമീപത്തുള്ള ബാക്കി ആനകളുടെയും പരിശോധനയാണ് നടത്തുക.
