50 ശതമാനം ജീവനക്കാര്‍ക്ക് കൊവിഡ്; സുപ്രീംകോടതിയുടെ പ്രവര്‍ത്തനം അവതാളത്തില്‍
ഡൂള്‍ന്യൂസ് ഡെസ്‌ക്
Monday, 12th April 2021, 10:16 am
ന്യൂദല്‍ഹി: 50ശതമാനം ജീവനക്കാര്‍ക്കും കൊവിഡ് സ്ഥിരീകരിച്ചതിനെത്തുടന്ന് സുപ്രീം കോടതിയുടെ പ്രവര്‍ത്തനം അവതാളത്തില്‍. സുപ്രീം കോടതിയിലെ പല സ്റ്റാഫ് അംഗങ്ങള്‍ക്കും കൊവിഡ് ബാധിച്ചതിനാല്‍ ഇന്ന് അവരുടെ വസതികളില്‍ നിന്ന് വാദം കേള്‍ക്കും.
സുപ്രീംകോടതി ബെഞ്ചുകളിലെ എല്ലാ ജഡ്ജിമാരും അവരുടെ വസതികളില്‍ നിന്ന് വീഡിയോ കോണ്‍ഫറന്‍സിലൂടെ ഒത്തുചേരുമെന്നും സുപ്രീം കോടതിയുമായി ബന്ധപ്പെട്ട അടുത്ത വൃത്തങ്ങള്‍ അറിയിച്ചു. കോടതി മുറികള്‍ ഉള്‍പ്പെടെ മുഴുവന്‍ കോടതി പരിസരങ്ങളും ശുചീകരിക്കുമെന്നും അറിയിപ്പില്‍ പറഞ്ഞു.
