കൊവിഡ് രോഗികള്‍ സ്‌റ്റോറൂമില്‍, സഹായത്തിന് ബന്ധുക്കള്‍ മാത്രം; ഗോവയിലെ ആശുപത്രിയിലെ ദൃശ്യങ്ങള്‍ പുറത്ത്
ഡൂള്‍ന്യൂസ് ഡെസ്‌ക്
Friday, 14th May 2021, 8:28 pm
പനജി: ഗോവ മെഡിക്കല്‍ ആന്‍ഡ് കോളേജ് ആശുപത്രിയില്‍ കൊവിഡ് രോഗികള്‍ ദുരിതത്തില്‍.
ഇന്ത്യാ ടുഡേയാണ് രോഗികളുടെ ദയനീയാവസ്ഥ പുറത്തെത്തിച്ചത്.
കൊവിഡ് രോഗികള്‍ സ്റ്റോര്‍ റൂമിലും തറയിലും കിടക്കുന്ന ദൃശ്യങ്ങളാണ് ഇന്ത്യ ടുഡേ പുറത്തുകൊണ്ടുവന്നിരിക്കുന്നത്. സഹായത്തിന് വേണ്ടി രോഗികള്‍ കരയുന്നതും കാണാന്‍ സാധിക്കും.
വ്യാഴാഴ്ച്ച ഓക്സിജന്റെ കുറവ് മൂലം 15 രോഗികള്‍ കൂടി ഇവിടെ മരിച്ചിരുന്നു. ബുധനാഴ്ച പുലര്‍ച്ചയും ഓക്സിജന്‍ കുറവ് മൂലം 26 രോഗികള്‍ മരിച്ചു. ആശുപത്രിയില്‍ ഓക്സിജന്‍ ലഭിക്കാതെ 71 രോഗികളാണ് ഇതുവരെ മരിച്ചത്.
