40ല്‍ അധികം അഴുകിയ മൃതദേഹങ്ങള്‍ ഗംഗാ നദീ തീരത്ത്; യു.പിയില്‍ നിന്ന് ഒഴുക്കിവിട്ടതെന്ന് അധികൃതര്‍
ഡൂള്‍ന്യൂസ് ഡെസ്‌ക്
Monday, 10th May 2021, 7:38 pm
പട്‌ന: ഗംഗാ നദിയുടെ തീരത്ത് അഴുകിയ മൃതദേഹങ്ങള്‍ അടിഞ്ഞതായി റിപ്പോര്‍ട്ട്. ബീഹാറിലെ ബക്‌സാറിലാണ് സംഭവം. എന്‍.ഡി.ടിവിയാണ് വാര്‍ത്ത റിപ്പോര്‍ട്ട് ചെയ്യുന്നത്. 40 ല്‍ അധികം ബോഡികളാണ് അഴുകിയനിലയില്‍ തീരത്തടിഞ്ഞത്.
ഉത്തര്‍പ്രദേശില്‍ നിന്നുള്ള കൊവിഡ് ബാധിച്ച് മരിച്ചവരുടെ മൃതശരീമാണ് ഇതെന്നാണ് പ്രാദേശിക ഭരണകൂടം ആരോപിക്കുന്നത്.
40-45 മൃതശരീരങ്ങളാണ് തീരത്തടിഞ്ഞതെന്ന് ചൗസ ജില്ലയിലെ ഉദ്യോഗസ്ഥനായ അശോക് കുമാര്‍ പറഞ്ഞു. മൃതശരീരങ്ങള്‍ വലിച്ചെറിഞ്ഞതാവാമെന്നാണ് ഇദ്ദേഹം പറയുന്നത്. 100ന് അടുത്ത് മൃതദേഹങ്ങള്‍ ഉണ്ടാകുമെന്നും ഇദ്ദേഹം പറയുന്നു.
