ന്യൂദല്‍ഹി: മുന്‍ കേന്ദ്രമന്ത്രിയും തൃണമൂല്‍ കോണ്‍ഗ്രസ് നേതാവുമായ ബാബുല്‍ സുപ്രിയോയ്ക്ക് മൂന്നാം തവണയും കൊവിഡ് സ്ഥിരീകരിച്ചു. തന്റെ ട്വിറ്റര്‍ അക്കൗണ്ടിലൂടെയാണ് അദ്ദേഹം ഇക്കാര്യം അറിയിച്ചത്.
ഗുരുതരമായ അസുഖമുള്ളവര്‍ക്ക് നല്‍കേണ്ട കൊവിഡ് അടിയന്തിര മരുന്നിന്റെ ഉയര്‍ന്ന വിലയിലും അദ്ദേഹം ആശങ്ക പ്രകടിപ്പിച്ചു. 84 വയസ്സുള്ള തന്റെ പിതാവിന് വേണ്ടി മരുന്ന് വാങ്ങേണ്ടി വന്നപ്പോള്‍ വലിയ വില നല്‍കേണ്ടി വന്നെന്നും അധഃസ്ഥിത വിഭാഗങ്ങളില്‍ നിന്നുള്ളവര്‍ അത് എങ്ങനെ താങ്ങുമെന്ന് അദ്ദേഹം ചോദിച്ചു.
Me, my wife, Dad, multiple staff, hv all tested positive, but my concern is the superhigh Rs.61000/- price of the Cocktail jab that needs to be given SOS to seriously ill #COVID19 patients•Dad who is 84, needed the jab SOS & I hv to buy it on-the-spot• Hw can the EWS afford it?
— Babul Supriyo (@SuPriyoBabul) January 4, 2022
”ഞാനും, എന്റെ ഭാര്യയും, അച്ഛനുമുള്‍പ്പെടെ മറ്റ് സ്റ്റാഫുകള്‍ക്കും കൊവിഡ് പോസിറ്റീവായിട്ടുണ്ട്. പക്ഷെ ഗുരുതര അസുഖമുള്ള കൊവിഡ് രോഗകള്‍ക്ക് നല്‍കുന്ന കൊവിഡ് അടിയന്തിര മരുന്നിന്റെ ഉയര്‍ന്ന വിലയായ 61000 രൂപയാണ് എന്നെ ആശങ്കപ്പെടുത്തുന്നത്. എന്റെ 84 വയസുള്ള അച്ഛന് കൊവിഡ് അടിയന്തിര മരുന്ന് ആവശ്യമുള്ളതിനാല്‍ ഞങ്ങള്‍ക്കത് വാങ്ങിച്ചേ മതിയാകൂ. എന്നാല്‍, സാമ്പത്തികമായി പിന്നോക്കം നില്‍ക്കുന്നവര്‍ക്ക് ആ വില എങ്ങനെ താങ്ങാനാകും,’ അദ്ദേഹം ട്വീറ്റ് ചെയ്തു.
Since even the fully vaccinated are not immune fresh infections, Govt must act quickly to make this jab available in Govt hospitals simultaneously along with the ongoing vaccination drive• Vaccination is must but the cocktail is the need of the hour @mansukhmandviya @AmitShah
— Babul Supriyo (@SuPriyoBabul) January 4, 2022
രണ്ട് കുത്തിവയ്പ്പുകളും എടുത്തവര്‍ പോലും പുതിയ അണുബാധകളില്‍ നിന്ന് മുക്തരല്ലെന്ന് പറയുന്ന സുപ്രിയോ സര്‍ക്കാര്‍ നടത്തുന്ന ആശുപത്രികളില്‍ ഈ കൊവിഡ് അടിയന്തിര മരുന്ന് എത്രയും വേഗം ലഭ്യമാക്കണമെന്ന് സര്‍ക്കാരിനോട് അഭ്യര്‍ത്ഥിച്ചു.
2020 നവംബറിലാണ് തനിക്ക് ആദ്യമായി കൊവിഡ് പോസിറ്റീവ് ആയതെന്നും ആ സമയത്ത് തന്റെ അമ്മ കൊവിഡ് ബാധിച്ച് മരിച്ചെന്നും സുപ്രിയോ ട്വീറ്റില്‍ പറയുന്നു.
