അബുദാബി: ഗള്‍ഫില്‍ ഇന്ന് രണ്ട് മലയാളികള്‍ കൊവിഡ് ബാധിച്ചു മരിച്ചു. കോഴിക്കോട് കുറ്റ്യാടി സ്വദേശി മൊയ്തു മാലിക്കണ്ടി (68) ദോഹയില്‍ വെച്ച് മരിച്ചു. തിരുവല്ല കല്ലുങ്കല്‍ പുത്തന്‍ പറമ്പില്‍ കുര്യന്‍ പി. വര്‍ഗീസ് (62) ദുബായില്‍ വെച്ച് മരിച്ചു.
കഴിഞ്ഞ ദിവസം മൂന്ന് പ്രവാസി മലയാളികള്‍ മരിച്ചത് കൊവിഡ് മൂലമാണെന്ന് ഞായറാഴ്ച സ്ഥിരീകരിച്ചു.
ഇതോടെ ഗള്‍ഫ് രാജ്യങ്ങളില്‍ കൊവിഡ് ബാധിച്ച് മരിച്ച മലയാളികളുടെ എണ്ണം ഞായറാഴ്ച വരെ 197 ആയി. 91 മലയാളികളാണ് യു.എ.ഇയില്‍ മാത്രം കൊവിഡ് ബാധിച്ച് മരിച്ചത്. ഗള്‍ഫില്‍ ഏറ്റവും കൂടുതല്‍ മലയാളികള്‍ കൊവിഡ് ബാധിച്ച് മരിച്ചതും യു.എ.ഇയിലാണ്.
സൗദിയില്‍ 56 മലയാളികളാണ് കൊവിഡ് ബാധിച്ച് മരിച്ചത്. കുവൈറ്റില്‍ 38 ഉം, ഖത്തറിലും ഒമാനിലും അഞ്ച് വീതം മലയാളികളും മരിച്ചു. ബഹ്‌റിനില്‍ രണ്ടു മലയാളികളാണ് കൊവിഡ് ബാധിച്ച് മരിച്ചത്.
ഡൂള്‍ന്യൂസിനെ ഫേസ്ബുക്ക്, ടെലഗ്രാം, ഹലോ പേജുകളിലൂടെയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഡൂള്‍ന്യൂസിനെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ