ന്യൂദല്‍ഹി: ദല്‍ഹിയിലെ സെന്‍ട്രല്‍ റിസര്‍വ് പൊലീസ് ഫോഴ്‌സ് (സി.ആര്‍.പി.എഫ് ) ആസ്ഥാനം അടച്ചു. ഓഫീസിലെ ജീവനക്കാരന് കൊവിഡ് സ്ഥിരീകരിച്ചതിനെ തുടര്‍ന്നാണ് ആസ്ഥാനം അടച്ചതെന്ന് അധികൃതര്‍ വ്യക്തമാക്കി.
ഞായറാഴ്ച മുതല്‍ ആസ്ഥാനത്ത് പ്രവര്‍ത്തിക്കുന്ന ഉദ്യോഗസ്ഥരെ അകത്തേക്ക് പ്രവേശിക്കാന്‍ അനുവദിക്കില്ലെന്നും അധികൃതര്‍ അറിയിച്ചു.
കൊവിഡ് പ്രോട്ടോകോള്‍ നടപടികള്‍ അനുസരിച്ച് ലോധി റോഡിലെ സി.ജി.ഒ കോംപ്ലക്‌സില്‍ പ്രവര്‍ത്തിക്കുന്ന ഓഫീസ് കെട്ടിടം സീല്‍ ചെയ്യുന്നതിനായി ഫോഴ്‌സ് ജില്ലാ സര്‍വീലിയന്‍സ് ഓഫീസറെ അറിയിക്കുകയായിരുന്നു.
