തുടര്‍ച്ചയായ രണ്ടാം ദിവസവും 8,000 കടന്ന് പുതിയ രോഗികള്‍; രാജ്യത്ത് മരണം 5,394 ആയി
ഡൂള്‍ന്യൂസ് ഡെസ്‌ക്
Monday, 1st June 2020, 9:40 am
ന്യൂദല്‍ഹി: കഴിഞ്ഞ 24 മണിക്കൂറില്‍ രാജ്യത്ത് പുതുതായി കൊവിഡ് റിപ്പോര്‍ട്ട് ചെയ്തത് 8392 പേര്‍ക്ക്. രോഗികളുടെ എണ്ണം എട്ടായിരം കടക്കുന്ന തുടര്‍ച്ചയായ രണ്ടാമത്തെ ദിവസമാണ് ഇത്. ഇതോടെ ആകെ രോഗികളുടെ എണ്ണം 1,90,535 ആയി ഉയര്‍ന്നു.
24 മണിക്കൂറിനിടെ 230 പേര്‍ രോഗം ബാധിച്ച് മരിച്ചു. ഇതോടെ ആകെ മരണസംഖ്യ 5394 ആയി. കേന്ദ്ര ആരോഗ്യ കുടുംബക്ഷേമ മന്ത്രാലയമാണ് ഇക്കാര്യങ്ങള്‍ അറിയിച്ചത്.
91,818 പേര്‍ക്കാണ് ഇതുവരെ രോഗം ഭേദമായിട്ടുള്ളത്. 93,322 പേര്‍ ചികിത്സയിലുമാണ്.
അതേസമയം, ഏറ്റവും കൂടുതല്‍ കൊവിഡ് രോഗികളുള്ള പട്ടികയില്‍ ഇന്ത്യയുടെ സ്ഥാനം ഏഴാമതായി. യു.എസ്., ബ്രസീല്‍, റഷ്യ, സ്പെയിന്‍,യു.കെ, ഇറ്റലി എന്നീ രാജ്യങ്ങളാണ് ഇന്ത്യക്ക് മുന്നിലുള്ളത്
