സ്പുട്നിക് V രാജ്യത്ത് നല്‍കിത്തുടങ്ങി; ഹൈദരാബാദ് അപ്പോളോ ആശുപത്രിയില്‍ വാക്‌സിനേഷന്‍ ആരംഭിച്ചു
ഡൂള്‍ന്യൂസ് ഡെസ്‌ക്
Monday, 17th May 2021, 7:08 pm
ന്യൂദല്‍ഹി: റഷ്യന്‍ നിര്‍മ്മിത വാക്‌സീന്‍ സ്പുട്നിക് V രാജ്യത്ത് നല്‍കിത്തുടങ്ങി. ഹൈദരാബാദ് അപ്പോളോ ആശുപത്രിയിലാണ് ആദ്യ ഡോസ് നല്‍കിത്തുടങ്ങിയത്.
ഡോ. റെഡ്ഡീസ് ലബോറട്ടറീസും അപ്പോളോ ഹോസ്പിറ്റല്‍സും ഒരുമിച്ചാണ് സ്പുട്നിക് V ഉപയോഗിച്ച് വാക്‌സിനേഷന്‍ ആരംഭിക്കുന്നത്.
വാക്‌സിനേഷന്‍ പരിപാടിയുടെ ആദ്യ ഘട്ടം തിങ്കളാഴ്ച ഹൈദരാബാദിലും ചൊവ്വാഴ്ച വിശാഖപട്ടണത്തും ആരംഭിക്കുമെന്ന് സംയുക്ത പ്രസ്താവനയില്‍ ആശുപത്രി അധികൃതര്‍ നേരത്തെ അറിയിച്ചിരുന്നു.
കോവിന്‍ പോര്‍ട്ടലില്‍ രജിസ്‌ട്രേഷന്‍ ഉള്‍പ്പെടെ സര്‍ക്കാര്‍ ശുപാര്‍ശ ചെയ്ത നടപടിക്രമങ്ങള്‍ പാലിച്ചുകൊണ്ടായിരിക്കും സ്പുട്നിക് V വാക്‌സിനേഷന്‍.
