കോടതിയില്‍ നിന്ന് കനത്തിന് വാങ്ങിക്കൂട്ടിയ മോദി! നിമിഷനേരം കൊണ്ട് ട്വിറ്ററില്‍ ട്രെന്റിംഗായി കോര്‍ട്ട് സ്ലാപ്‌സ് മോദി
ഡൂള്‍ന്യൂസ് ഡെസ്‌ക്
Wednesday, 11th August 2021, 4:47 pm
ന്യൂദല്‍ഹി: ദല്‍ഹി മുന്‍ ചീഫ് സെക്രട്ടറി അന്‍ഷു പ്രകാശിനെ കൈയേറ്റം ചെയ്തതുമായി ബന്ധപ്പെട്ട കേസില്‍ മുഖ്യമന്ത്രി അരവിന്ദ് കെജ്‌രിവാളിനെ ദല്‍ഹി കോടതി കുറ്റവിമുക്തരാക്കിയതിന് പിന്നാലെ ട്വിറ്ററില്‍ ട്രെന്റിംഗ് ആയി CourtSlapsModi ഹാഷ്ടാഗ്.
നിരവധിപേരാണ് മോദിയെ പരിഹസിച്ചുകൊണ്ട് ഈ ഹാഷ്ടാഗില്‍ ട്വീറ്റ് ചെയ്യുന്നത്. അരവിന്ദ് കെജ്‌രിവാളിനോട് മോദി മാപ്പ് പറയണമെന്നും ചിലര്‍ പറയുന്നു.
അന്‍ഷു പ്രകാശിനെ കൈയേറ്റം ചെയ്തതുമായി ബന്ധപ്പെട്ട കേസില്‍ അരവിന്ദ് കെജ്‌രിവാളിനെയും ഉപമുഖ്യമന്ത്രി മനീഷ് സിസോദിയയെയും ഒമ്പത് ആം ആദ്മി എം.എല്‍.എമാരെയുമാണ് ദല്‍ഹി കോടതി കുറ്റവിമുക്തരാക്കി.
ആരോപണങ്ങളെല്ലാം അടിസ്ഥാനരഹിതമാണെന്നും അരവിന്ദ് കെജ്‌രിവാള്‍ കുറ്റവാളിയല്ലെന്നും ദല്‍ഹി കോടതി വിലയിരുത്തി.
