വിവാഹം രജിസ്ട്രര്‍ ചെയ്യാന്‍ കക്ഷികള്‍ നേരിട്ട് ഹാജരാകേണ്ട, വീഡിയോ കോണ്‍ഫറന്‍സിലൂടെ മതി; ദല്‍ഹി ഹൈക്കോടതി
ഡൂള്‍ന്യൂസ് ഡെസ്‌ക്
Friday, 10th September 2021, 4:20 pm
ന്യൂദല്‍ഹി: വിവാഹ രജിസ്‌ട്രേഷനായി കക്ഷികള്‍ നേരിട്ട് ഹാജരാകേണ്ടതില്ലെന്ന് ദല്‍ഹി ഹൈക്കോടതി.
വീഡിയോ കോണ്‍ഫറന്‍സ് മോഡിലൂടെ ബന്ധപ്പെട്ട സബ് ഡിവിഷന്‍ മജിസ്ട്രേറ്റിന് മുന്നില്‍ ഹാജരായാല്‍ മതിയാകുമെന്നും ദല്‍ഹി ഹൈക്കോടതി വ്യാഴാഴ്ച വിധിച്ചു.
‘വ്യക്തിപരമായ സാന്നിധ്യം’ എന്നത് നേരിട്ടുള്ള സാന്നിധ്യം എന്നല്ല അര്‍ത്ഥമാക്കുന്നത് എന്നും കോടതി പറഞ്ഞു.
ന്യൂദല്‍ഹിയില്‍ വിവാഹ രജിസ്‌ട്രേഷനായി പ്രവാസി ദമ്പതികള്‍ സമര്‍പ്പിച്ച ഹരജിയില്‍ വാദം കേള്‍ക്കുകയായിരുന്നു കോടതി.
