മഞ്ചേശ്വരം കോഴക്കേസില്‍ സുരേന്ദ്രന് തിരിച്ചടി; നേരിട്ട് ഹാജരായേ പറ്റൂവെന്ന് കോടതി
ഡൂള്‍ന്യൂസ് ഡെസ്‌ക്
Tuesday, 10th October 2023, 1:25 pm
കോഴിക്കോട്:: മഞ്ചേശ്വരം തെരഞ്ഞെടുപ്പ് കോഴക്കേസില്‍ ബി.ജെ.പി സംസ്ഥാന പ്രസിഡന്റ് കെ. സുരേന്ദ്രനോട് ഹാജരാകാന്‍ കോടതി നിര്‍ദേശം. കേസുമായി ബന്ധപ്പെട്ട വിടുതല്‍ ഹരജിയില്‍ കാസര്‍കോഡ് സെഷന്‍സ് കോടതിയുടെതാണ് ഉത്തരവ്.
സുരേന്ദ്രന് അടക്കമുള്ള ഏഴ് പ്രതികള്‍ ഒക്ടോബര്‍ 25ന് നേരിട്ട് ഹാജരാകണമെന്നാണ്
കോടതി പറയുന്നത്.
സുരേന്ദ്രന് ഉള്‍പ്പെടെയുള്ള മുഴുവന്‍ പ്രതികളും നേരിട്ട് ഹാജരാകണമെന്ന് കോടതി നേരത്തെ ആവശ്യപ്പെട്ടിരുന്നു. എന്നാല്‍ കെട്ടിച്ചമച്ച കേസാണെന്ന് വാദിച്ച് സുരേന്ദ്രന് വിടുതല്‍ ഹരജി സമര്‍പ്പിക്കുകയായിരുന്നു. ഇതിലാണിപ്പോള്‍ കോടതിയുടെ ഇടപെടലുണ്ടാകുന്നത്.
