'ചിത്രീകരണം നിര്‍ത്തിവെയ്ക്കണം, മകനെ മോശമായി അവതരിപ്പിക്കുന്നു'; കെ.ജി.എഫിനെതിരെ 'യഥാര്‍ത്ഥ റോക്കി ഭായി'യുടെ അമ്മ കോടതിയില്‍
എന്റര്‍ടെയിന്‍മെന്റ് ഡെസ്‌ക്
Tuesday, 1st October 2019, 8:47 am
ബെംഗളൂരു: കന്നഡ സിനിമയില്‍ നാഴിക കല്ലാണ് കെ.ജി.എഫ്. നൂറ് കോടിയിലധികം കളക്ഷന്‍ നേടാന്‍ ചിത്രത്തിനായിരുന്നു. കര്‍ണാടകയിലെ കുപ്രസിദ്ധമായ കോലാര്‍ ഗോള്‍ഡ് ഫീല്‍ഡിന്റെ കഥയാണ് പ്രധാനമായും ചിത്രം പറഞ്ഞിരുന്നുത്.
കന്നഡ സൂപ്പര്‍ താരം യാഷ് നായകനായ ചിത്രത്തിന്റെ ആദ്യ ഭാഗത്തിന് പിന്നാലെ രണ്ടാം ഭാഗത്തിന്റെ ചിത്രീകരണം ആരംഭിച്ചിരുന്നു. കെ.ജി.എഫ് എന്നറിയപ്പെടുന്ന കോലാര്‍ ഗോള്‍ഡ് ഫീല്‍ഡിലെ റൗഡി തങ്കത്തിന്റെ ജീവിതമാണ് ചിത്രത്തിന് ആസ്പദമാക്കിയിരിക്കുന്നത്.
എന്നാല്‍ ചിത്രത്തിനെതിരെ കോടതിയെ സമീപിച്ചിരിക്കുകയാണ് റൗഡി തങ്കത്തിന്റെ അമ്മ. മകന്റെ പേര് ചീത്തയാക്കുന്നുവെന്നും ചിത്രീകരണം നിര്‍ത്തിവെയ്ക്കണമെന്നും ആവശ്യപ്പെട്ടാണ് തങ്കത്തിന്റെ അമ്മ കോടതിയെ സമീപിച്ചത്.
