ഹോങ്കോംഗ്: ഹോങ്കോംഗില്‍ കൊവിഡ് വ്യാപനം അതീവ ഗുരുതരാവസ്ഥയിലേക്കെന്ന് റിപ്പോര്‍ട്ടുകള്‍. ഞായറാഴ്ച ഒറ്റയടിക്ക് 100ല്‍ അധികം കേസുകള്‍ സ്ഥിരീകരിച്ച സാഹചര്യത്തില്‍ പ്രദേശത്ത് അതീവ ജാഗ്രതാ നിര്‍ദ്ദേശമാണ് നല്‍കിയിരിക്കുന്നത്.
ചൈനയില്‍ സ്ഥിതിഗതികള്‍ സാധാരണ നിലയിലേക്ക് തിരിച്ചുവരുന്നെന്ന വാര്‍ത്തകള്‍ വന്നതിന് പിന്നാലെയാണ് ആശങ്കയുയര്‍ത്തി ഹോങ്കോംഗില്‍ പെട്ടെന്ന് കൊവിഡ് വ്യാപനം വീണ്ടും ഗുരുതരസ്ഥിയിലേക്ക് എത്തിനില്‍ക്കുന്നത്.
ജൂണ്‍ അവസാനത്തോടെ പ്രാദേശിക വ്യാപനം പിടിച്ചുകെട്ടി രോഗം കൈകാര്യം ചെയ്യുന്നതില്‍ നഗരം മികച്ച വിജയം നേടിയിരുന്നു.
എന്നാല്‍ കഴിഞ്ഞ രണ്ടാഴ്ചയ്ക്കുള്ളില്‍ സ്ഥിതിഗതികള്‍ വീണ്ടും മോശമാവുകയായിരുന്നു. വൈറസ് ബാധ ഒരിക്കല്‍ കൂടി വര്‍ദ്ധിച്ചു. 7.5 ദശലക്ഷം ആളുകള്‍ തിങ്ങിപ്പാര്‍ക്കുന്ന പ്രദേശത്ത് പുതിയ പൊട്ടിപ്പുറപ്പെടല്‍ ഉണ്ടാകുമോ എന്ന ആശങ്കയിലാണ് ഡോക്ടര്‍മാര്‍.
