ഇന്ത്യയിലെ മൂന്ന് നഗരങ്ങളില്‍ കൊവിഡ് വ്യാപനം കുറയുന്നു; കണ്ടൈന്‍മെന്റും, വീടുകള്‍ തോറുമുള്ള പരിശോധനയും ഗുണം ചെയ്തു: കേന്ദ്ര ആരോഗ്യ മന്ത്രാലയം
ഡൂള്‍ന്യൂസ് ഡെസ്‌ക്
Tuesday, 28th July 2020, 7:38 pm
ന്യൂദല്‍ഹി: രാജ്യത്ത് കൊവിഡ് വ്യാപനം രൂക്ഷമായി തുടരുകയാണ്. എന്നാല്‍ കഴിഞ്ഞ ദിവസങ്ങളില്‍ ഇന്ത്യയിലെ ചില പ്രധാന നഗരങ്ങളില്‍ കൊറോണ വ്യാപനം മുമ്പത്തേക്കാള്‍ കുറയുന്നുവെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.
ഇന്ത്യയിലെ പ്രധാനപ്പെട്ട മൂന്ന് നഗരങ്ങളിലാണ് ഈ കുറവ് രേഖപ്പെടുത്തിയത്. കഴിഞ്ഞ ദിവസം ദല്‍ഹിയില്‍ രേഖപ്പെടുത്തിയ കേസുകളില്‍ 42 ശതമാനം കൊവിഡ് രോഗികള്‍ കുറഞ്ഞുവെന്നാണ് റിപ്പോര്‍ട്ട്.
ദല്‍ഹിയില്‍ രേഖപ്പെടുത്തിയ കേസുകളില്‍ 1075 രോഗികളില്‍ നിന്ന് 613 ആയി കുറഞ്ഞു. അതേസമയം ആന്ധ്രയില്‍ കൊവിഡ് കേസുകള്‍ 20 ശതമാനം കുറഞ്ഞതായും റിപ്പോര്‍ട്ടുകളുണ്ട്. മഹാരാഷ്ട്രയില്‍ രോഗികളുടെ എണ്ണത്തില്‍ കഴിഞ്ഞ ദിവസം 16 ശതമാനം കുറവ് രേഖപ്പെടുത്തിയിട്ടുണ്ട്.
