മുംബൈ: സെയ്ഫ് അലിഖാന്‍ നായകനാകുന്ന ലാല്‍ കപ്താന്‍ എന്ന പുതിയ ചിത്രത്തിന്റെ പോസ്റ്ററിനെതിരെ ഇന്റര്‍നെറ്റില്‍ വിമര്‍ശനം. എക്കാലത്തെയും ഹിറ്റായ ഹോളിവുഡ് ചിത്രം കരീബിയന്‍സ് ഓഫ് പൈറേറ്റ്സിലെ ജാക്ക് സ്പാരോ എന്ന ഹിറ്റ് കഥാപാത്രവുമായി സാമ്യം പുലര്‍ത്തുന്ന ലുക്കാണ് ചിത്രത്തില്‍ സെയ്ഫിനെന്നും ചിത്രം ഹോളിവുഡ് റീമേക്കാണെന്നുമാണ് ഇവര്‍ ഉയര്‍ത്തുന്ന വിമര്‍ശനം.
സെയ്ഫ് അലിഖാന്റെ ചിത്രത്തിലെ ലുക്ക് ജാക്ക്സ്പാരോ എന്ന കഥാപാത്രത്തിന്റെ ലുക്കുമായി വളരെ സാമ്യം പുലര്‍ത്തുന്നുണ്ട്. നേരത്തെ നടന് ആമിര്‍ഖാന്റെ തങ്ങ്സ് ഓഫ് ഹിന്ദുസ്ഥാന്‍ എന്ന ചിത്രവും ഇത്തരത്തില്‍ വിമര്‍ശനമേറ്റുവാങ്ങിയിരുന്നു.
ജാണി ഡെപ്പ് അവതരിപ്പിച്ച ജാക്ക്സ് പാരോ എന്ന കഥാപാത്രം തിരക്കഥാകൃത്തുകളായ ടെഡ് എലിയറ്റ് ,ടെറി റോസിയോ എന്നിവരുടെ സൃഷ്ടിയാണ്.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ
എന്നാല്‍ ലാല്‍ കപ്താന്‍ പൈരാറ്റ്സ് ഓഫ് കരീബിയന്റെ റീമേക്കാണോ എന്ന ചോദ്യത്തിന് ചിത്രത്തിന്റെ അണിയറപ്രവര്‍ത്തകര്‍ ഇതുവരെയും മറുപടിയൊന്നും പറഞ്ഞിട്ടില്ല.
ഒക്ടോബര്‍ 18 ന് റിലീസ് ചെയ്യാനിരിക്കുന്ന സെയ്ഫ് അലിഖാന്‍ ചിത്രത്തിന്റെ സംവിധായകന്‍ നവദീപ് സിംഗ് ആണ്.
DoolNews Video