കോടതിയലക്ഷ്യം ചുമത്തിയ നടപടി പുനഃപരിശോധിക്കണമെന്ന് ആവശ്യപ്പെട്ട് വിജയ് മല്യ സമര്‍പ്പിച്ച ഹരജി സുപ്രീംകോടതി തള്ളി
ഡൂള്‍ന്യൂസ് ഡെസ്‌ക്
Monday, 31st August 2020, 2:17 pm
ന്യൂദല്‍ഹി: കോടതിയലക്ഷ്യത്തിന് ശിക്ഷിച്ച വിധി പുഃനപരിശോധിക്കണമെന്ന് ആവശ്യപ്പെട്ട് വിവാദ വ്യവസായി വിജയ് മല്യ സമര്‍പ്പിച്ച ഹരജി സുപ്രീംകോടതി തള്ളി. 2017 ലെ കോടതി വിധി ചോദ്യം ചെയ്തുകൊണ്ടാണ് മല്യ സുപ്രീംകോടതിയെ സമീപിച്ചത്.
ആസ്തികളുടെ മുഴുവന്‍ വിവരങ്ങളും സത്യസന്ധമായി വെളിപ്പെടുത്താതെ കോടതി ഉത്തരവിന് വിരുദ്ധമായി പ്രവര്‍ത്തിച്ചതിനാണ്
2017 മെയ് മാസത്തില്‍ സുപ്രീം കോടതി വിജയ് മല്യയെ കുറ്റക്കാരനാണെന്ന് കണ്ടെത്തിയത്.
പണം പിന്‍വലിക്കരുതെന്ന് ഉത്തരവുണ്ടായിട്ടും കോടതി ഉത്തരവ് ലംഘിച്ച് മല്യ 40 മില്യണ്‍ ഡോളര്‍ അക്കൗണ്ടില്‍ നിന്ന് വകമാറ്റിയിരുന്നെന്നും ഐ.എ.എന്‍.എസ് റിപ്പോര്‍ട്ടില്‍ വ്യക്തമാക്കുന്നു.
