ഹരിയാന ഉപതെരഞ്ഞെടുപ്പില്‍ കോണ്‍ഗ്രസ് വിജയത്തിലേക്ക്
ഡൂള്‍ന്യൂസ് ഡെസ്‌ക്
Tuesday, 10th November 2020, 5:57 pm
ചണ്ഡീഗഢ്: ഹരിയാനയിലെ ബറോഡ മണ്ഡലത്തില്‍ കോണ്‍ഗ്രസ് ജയത്തിലേക്ക്. ബി.ജെ.പി സ്ഥാനാര്‍ത്ഥി ഒളിംപ്യന്‍ യോഗേശ്വര്‍ ദത്തിനെ പരാജയപ്പെടുത്തി കോണ്‍ഗ്രസിന്റെ ഇന്ദുരാജ് നര്‍വാലാണ് സംസ്ഥാനത്തെ ഏക ഉപതെരഞ്ഞെടുപ്പില്‍ വിജയത്തിലേക്കടുക്കുന്നത്.
ജയം ഔദ്യോഗികമായി പ്രഖ്യാപിച്ചിട്ടില്ലെങ്കിലും തെരഞ്ഞെടുപ്പ് കമ്മീഷന്‍ വെബ്‌സൈറ്റിലെ കണക്ക് പ്രകാരം കോണ്‍ഗ്രസ് മികച്ച ലീഡ് നേടിയിട്ടുണ്ട്. ബി.ജെ.പി സംസ്ഥാന അധ്യക്ഷന്‍ തോല്‍വി സമ്മതിക്കുകയും ചെയ്തു.
