ബി.ജെ.പിയുടെ തന്ത്രങ്ങള്‍ പാഴായി; രാജസ്ഥാനില്‍ ആധിപത്യം ഉറപ്പിച്ച് കോണ്‍ഗ്രസ്
ഡൂള്‍ന്യൂസ് ഡെസ്‌ക്
Monday, 14th December 2020, 1:59 pm
ജയ്പൂര്‍: രാജസ്ഥാന്‍ തദ്ദേശ തെരഞ്ഞെടുപ്പില്‍ മികച്ച വിജയം സ്വന്തമാക്കി കോണ്‍ഗ്രസ്. 12 ജില്ലകളിലെ 50 മുന്‍സിപ്പല്‍ ബോഡികളില്‍ നടന്ന തെരഞ്ഞെടുപ്പില്‍ 620 സീറ്റുകളിലാണ് കോണ്‍ഗ്രസ് വിജയിച്ചത്. കോണ്‍ഗ്രസിന്റെ വിജയം ബി.ജെ.പിക്ക് കനത്ത പ്രഹരമാണ് ഏല്‍പ്പിച്ചത്.
1,775 വാര്‍ഡുകളില്‍ 620 ഉം കോണ്‍ഗ്രസ് സ്ഥാനാര്‍ത്ഥികള്‍ സ്വന്തമാക്കിയപ്പോള്‍ ബി.ജെ.പി 548 സീറ്റിലാണ് വിജയിച്ചത്. ബി.എസ്.പി ഏഴ് സീറ്റിലും വിജയിച്ചു. രണ്ട് സീറ്റുകളാണ് സി.പി.ഐക്കും സി.പി.ഐ.എമ്മിനും കിട്ടിയത്. ആര്‍.എല്‍.പി ക്ക് ഒരു സീറ്റ് ലഭിച്ചു. 595 സ്വതന്ത്ര സ്ഥാനാര്‍ത്ഥികളാണ് തെരഞ്ഞെടുപ്പില്‍ വിജയിച്ചത്.
