ന്യൂദല്‍ഹി: രാജ്യത്ത് കോണ്‍ഗ്രസ് അധികാരത്തിലെത്താന്‍ പോവുകയാണെന്ന് മുതിര്‍ന്ന നേതാവും ലോക്‌സഭാ സ്ഥാനാര്‍ത്ഥിയുമായ അജയ് മാക്കന്‍.

തെരഞ്ഞെടുപ്പ് ഫലം കോണ്‍ഗ്രസിന് അനുകൂലമാകുമെന്നും കോണ്‍ഗ്രസ് സര്‍ക്കാര്‍ രൂപീകരിക്കുമെന്നും അജയ് മാക്കന്‍ പറഞ്ഞു. രാഹുല്‍ഗാന്ധിയായിരിക്കും പുതിയ പ്രധാനമന്ത്രിയെന്നും അജയ് മാക്കന്‍ പറഞ്ഞു. ദല്‍ഹിയില്‍ പോരാട്ടം കോണ്‍ഗ്രസും ബി.ജെ.പിയും തമ്മിലാണെന്നും മാക്കന്‍ പറഞ്ഞു.

Ajay Maken, Congress candidate from New Delhi LS seat, contesting against BJP MP Meenakashi Lekhi: The results will be definitely in favour of Congress. We’re expecting that Congress will win &form govt. Rahul Gandhi will be the PM. The fight in Delhi is between BJP and Congress. pic.twitter.com/zhqUvqDIbH

— ANI (@ANI) May 23, 2019

ന്യൂദല്‍ഹി മണ്ഡലത്തിലെ സ്ഥാനാര്‍ത്ഥിയാണ് അജയ് മാക്കന്‍. മീനാക്ഷി ലേഖിയാണ് ഇവിടെ എതിര്‍ സ്ഥാനാര്‍ത്ഥി.

എട്ട് മണിക്കാണ് വോട്ടെണ്ണല്‍ ആരംഭിക്കുക. ഇതിനായി വോട്ടിങ് മെഷീനുകള്‍ സൂക്ഷിച്ചിരിക്കുന്ന സ്‌ട്രോങ് റൂമുകള്‍ തുറന്ന് മെഷീനുകള്‍ പുറത്തെടുത്തിട്ടുണ്ട്. ആദ്യസൂചനകള്‍ വോട്ടെണ്ണല്‍തുടങ്ങി അരമണിക്കൂറിനുള്ളില്‍ ലഭിക്കും. ഉച്ചയോടെ ഫലം അറിയാനാകുമെങ്കിലും ഔദ്യോഗികപ്രഖ്യാപനം വൈകും.