റഫാല്‍ വിമാനങ്ങള്‍: യു.പി.എ സര്‍ക്കാര്‍ 2012ല്‍ ചെയ്തതിന്റെ ഗുണം ഇപ്പോള്‍ സാധ്യമായെന്ന് കോണ്‍ഗ്രസ്
ഡൂള്‍ന്യൂസ് ഡെസ്‌ക്
Wednesday, 29th July 2020, 4:36 pm
ന്യൂദല്‍ഹി: അഞ്ച് റാഫെല്‍ വിമാനങ്ങള്‍ രാജ്യത്തെത്തിയതിന് പിന്നാലെ ഫ്രാന്‍സില്‍ നിന്ന് വിമാനങ്ങള്‍ എത്തുന്നതിനുള്ള കാരണം തങ്ങളുടെ സര്‍ക്കാര്‍ ആരംഭിച്ച നടപടികളാണെന്ന് ഓര്‍മ്മിപ്പിക്കുന്നതിന് നടപടി സ്വീകരിച്ച് കോണ്‍ഗ്രസ്. റഫാല്‍ വിമാനങ്ങള്‍ ഏറ്റങുവാങ്ങിയതിന് ഇന്ത്യന്‍ എയര്‍ഫോഴ്‌സിനെ അഭിനന്ദിക്കുന്നുവെന്ന് കോണ്‍ഗ്രസ് ട്വീറ്റ് ചെയ്തു.
2012ല്‍ റഫാലിനെ തിരിച്ചറിയുന്നതിനും വാങ്ങുന്നതിനും കോണ്‍ഗ്രസ് സര്‍ക്കാര്‍ സ്വീകരിച്ച നടപടികളുടെ ഗുണം ഇപ്പോള്‍ ഉണ്ടായെന്നും ട്വീറ്റിലുണ്ട്. മന്‍മോഹന്‍ സിങ് സര്‍ക്കാരിന്റെ കരാറും മോദി സര്‍ക്കാരിന്റെ കരാറും തമ്മിലുള്ള വ്യത്യാസവും ട്വീറ്റില്‍ ചൂണ്ടിക്കാണിച്ചിട്ടുണ്ട്.
