ശിവസേന സര്‍ക്കാരിന് പിന്തുണ പ്രഖ്യാപിച്ച് കോണ്‍ഗ്രസ് എം.എല്‍.എമാര്‍: കത്തുമായി നേതൃത്വം ദല്‍ഹിയിലേക്ക്; സോണിയയുടെ വീട്ടില്‍ കെ.സിയും ആന്റണിയും
ഡൂള്‍ന്യൂസ് ഡെസ്‌ക്
Monday, 11th November 2019, 1:14 pm
മുംബൈ: മഹാരാഷ്ട്രയില്‍ സര്‍ക്കാര്‍ രൂപീകരണവുമായി ബന്ധപ്പെട്ട് നിര്‍ണായക ചര്‍ച്ചകള്‍ പുരോഗമിക്കവേ ശിവസേന-എന്‍.സി.പി സര്‍ക്കാരിനെ പിന്തുണയ്ക്കാന്‍ തയ്യാറാണെന്ന് വ്യക്തമാക്കി കോണ്‍ഗ്രസിന്റെ 40 എം.എല്‍.എമാര്‍ ഒപ്പുവെച്ചതായി റിപ്പോര്‍ട്ട്.
എം.എല്‍.എമാര്‍ ഒപ്പുവെച്ച കത്ത് കോണ്‍ഗ്രസ് അധ്യക്ഷ സോണിയാ ഗാന്ധിക്ക് മുന്‍പില്‍ സമര്‍പ്പിക്കുമെന്നാണ് അറിയുന്നത്.
ശിവസേനയുടെ നേതൃത്വത്തിലുള്ള സര്‍ക്കാരിന് പൂര്‍ണ പിന്തുണ കോണ്‍ഗ്രസിന്റെ എം.എല്‍.എമാര്‍ നല്‍കിയിട്ടുണ്ടെന്നും എന്നാല്‍ കോണ്‍ഗ്രസ് പ്രവര്‍ത്തക സമിതിയാണ് ഇക്കാര്യത്തില്‍ അവസാന വാക്ക് പറയേണ്ടതെന്നും എന്‍.സി.പി നേതാവ് നവാബ് മാലിക് പറഞ്ഞു.
