മധ്യപ്രദേശും രാജസ്ഥാനും മണിപ്പൂരും ഗോവയും പഠിപ്പിച്ചു; കോണ്‍ഗ്രസ് നടപടികള്‍ ആരംഭിച്ചു
ഡൂള്‍ന്യൂസ് ഡെസ്‌ക്
Thursday, 13th August 2020, 12:59 pm
ന്യൂദല്‍ഹി: രാജസ്ഥാനില്‍ കഴിഞ്ഞ കുറച്ചു നാളുകളായി നടന്നു വന്നിരുന്ന വിമത നീക്കങ്ങള്‍ അവസാനിച്ചിരിക്കുകയാണ്. പക്ഷെ ഇക്കാര്യങ്ങളില്‍ നിന്ന് കോണ്‍ഗ്രസ് ഒരു പാഠം പഠിച്ചിരിക്കുകയാണ്. അതിനെ തുടര്‍ന്ന് കോണ്‍ഗ്രസ് നടപടികളിലേക്ക് കടന്നിരിക്കുകയാണ്.
വിമതനീക്കങ്ങളെ തുടര്‍ന്ന് മധ്യപ്രദേശിലും ഗോവയിലും മണിപ്പൂരിലും നടന്നത് മറ്റ് സംസ്ഥാനങ്ങളില്‍ ഇനി നടക്കാതിരിക്കാന്‍ ഓരോ സംസ്ഥാനത്തെയും സംഘടനക്കകത്തെ രാഷ്ട്രീയ പ്രശ്‌നങ്ങള്‍ പഠിക്കാന്‍ തീരുമാനിച്ചിരിക്കുകയാണ് കോണ്‍ഗ്രസ്. വിഷയങ്ങളില്‍ വേഗത്തില്‍ നടപടിയെടുക്കണമെന്നും തത്വത്തില്‍ തീരുമാനിച്ചിട്ടുണ്ട്.
