ശിവസേനയെ പിന്തുണക്കുന്ന കാര്യത്തില്‍ വ്യക്തതയായിട്ടില്ലെന്ന് കോണ്‍ഗ്രസ്; 'എന്‍.സി.പിയുമായി ചര്‍ച്ച തുടരും'
ഡൂള്‍ന്യൂസ് ഡെസ്‌ക്
Monday, 11th November 2019, 7:52 pm
മഹാരാഷ്ട്രയില്‍ സര്‍ക്കാര്‍ രൂപീകരിക്കാന്‍ ശിവസേനയെ പിന്തുണക്കാന്‍ തീരുമാനിച്ചിട്ടില്ലെന്ന് കോണ്‍ഗ്രസ്. പിന്തുണക്കാര്യത്തില്‍ ഇത് വരെ വ്യക്തതയാട്ടില്ലെന്നും എന്‍.സി.പിയുമായി കൂടുതല്‍ ചര്‍ച്ചകള്‍ നടത്തുമെന്നും കോണ്‍ഗ്രസ് വാര്‍ത്താ കുറിപ്പില്‍ പറയുന്നു.
നേരത്തെ കോണ്‍ഗ്രസ് ശിവസേനയെ പുറത്ത് നിന്ന് പിന്തുണക്കാന്‍ തീരുമാനിച്ചെന്ന് റിപ്പോര്‍ട്ടുകള്‍ ഉണ്ടായിരുന്നു. എന്നാല്‍ ഇക്കാര്യത്തില്‍ വ്യക്തതയായിട്ടില്ലെന്നാണ് കോണ്‍ഗ്രസ് ഇപ്പോള്‍ വ്യക്തമാക്കുന്നത്.
ശിവസേന നേതാക്കളായ ആദിത്യ താക്കറേയും മറ്റ് നേതാക്കളും ഗവര്‍ണറെ കണ്ട് സര്‍ക്കാര്‍ രൂപീകരിക്കാന്‍ അവസരം നല്‍കണമെന്ന് ആവശ്യപ്പെട്ടു.
