ന്യൂദല്‍ഹി: കോണ്‍ഗ്രസിനുള്ളില്‍ വിമത ശബ്ദമുയര്‍ത്തി മുതിര്‍ന്ന നേതാവ് ഹരീഷ് റാവത്തും. കോണ്‍ഗ്രസ് തന്നെ അവഗണിക്കുകയാണെന്നും താന്‍ സജീവ രാഷ്ട്രീയത്തില്‍ നിന്ന് വിശ്രമിക്കുകയാണെന്നും ധ്വനി ഉണര്‍ത്തുന്ന നിരവധി ട്വീറ്റുകളാണ് അദ്ദേഹം പങ്കുവെച്ചിരിക്കുന്നത്.
തെരഞ്ഞെടുപ്പ് അടുത്തിട്ടും സംഘടനാപരമായി ഒരു ചുമതലയും തന്നെ ഏല്‍പ്പിക്കുന്നില്ലെന്നാണ് റാവത്ത് പറയുന്നത്.
‘തെരഞ്ഞെടുപ്പിന്റെ സമുദ്രത്തില്‍ നമുക്ക് നീന്തേണ്ടതുണ്ട്. എന്നിട്ടും സംഘടന എന്നെ അവഗണിക്കുകയോ അല്ലെങ്കില്‍ നിഷേധാത്മക സമീപനം സ്വീകരിക്കുകയോ ചെയ്യുന്നു. ഇത് വിചിത്രമായി തോന്നുന്നില്ലേ? നമുക്ക് സഞ്ചരിക്കേണ്ട സമുദ്രത്തില്‍, അധികാരമുള്ളവര്‍ നിരവധി മുതലകളെ അഴിച്ചുവിട്ടിട്ടുണ്ട്. ഞാന്‍ ആരെയാണോ പിന്തുടരേണ്ടത്, അവരുടെ ആളുകള്‍ എന്റെ കയ്യുംകാലും കെട്ടിയിട്ടിരിക്കുകയാണ്,’ റാവത്ത് പറഞ്ഞു.
പരമാവധി ചെയ്ത് കഴിഞ്ഞെന്നും ഇനി വിശ്രമിക്കാനുള്ള സമയമായെന്നും റാവത്ത് പറയുന്നു. അതേസമയം വെല്ലുവിളികളെ നേരിടാന്‍ താന്‍ അശക്തനല്ലെന്ന് തോന്നുന്നില്ലെന്നും അദ്ദേഹം മറ്റൊരു ട്വീറ്റില്‍ പറയുന്നു.
#चुनाव_रूपी_समुद्र
है न अजीब सी बात, चुनाव रूपी समुद्र को तैरना है, सहयोग के लिए संगठन का ढांचा अधिकांश स्थानों पर सहयोग का हाथ आगे बढ़ाने के बजाय या तो मुंह फेर करके खड़ा हो जा रहा है या नकारात्मक भूमिका निभा रहा है। जिस समुद्र में तैरना है,
1/2 pic.twitter.com/wc4LKVi1oc
