മഹാരാഷ്ട്രയില്‍ എക്‌സിറ്റ് പോളുകള്‍ പരാജയപ്പെടുമെന്ന് കോണ്‍ഗ്രസ്-എന്‍.സി.പി; 'ശിവസേനയും ബി.ജെ.പിയും പരസ്പരം കാലുവാരും'
ഡൂള്‍ന്യൂസ് ഡെസ്‌ക്
Wednesday, 23rd October 2019, 3:22 pm
മുംബൈ: മഹാരാഷ്ട്രയില്‍ ബി.ജെ.പി-ശിവസേന സഖ്യം വന്‍ഭൂരിപക്ഷത്തോടെ വീണ്ടും അധികാരത്തില്‍ വരുമെന്നാണ് എക്‌സിറ്റ് പോളുകള്‍ പ്രവചിക്കുന്നത്. എന്നാല്‍ ഈ എക്‌സിറ്റ് പോളുകളെ തള്ളിക്കളയുകയാണ് കോണ്‍ഗ്രസ്-എന്‍.സി.പി സഖ്യം. യാഥാര്‍ത്ഥ്യം എക്‌സിറ്റ് പോളുകളില്‍ നിന്ന് ഏറെ അകലെയാണെന്ന് അവര്‍ പറയുന്നു.
അമ്പത് മണ്ഡലങ്ങളില്‍ ശിവസേനയ്ക്കും ബി.ജെ.പിയ്ക്കും വിമതരുണ്ടെന്ന് പ്രതിപക്ഷ നേതാക്കള്‍ പറയുന്നു. ഇത് ഈ മണ്ഡലങ്ങളില്‍ ഭരണസഖ്യത്തിന്റെ വിജയസാധ്യതയെ തകര്‍ക്കും. മാത്രമല്ല പല സീറ്റുകളിലും ശിവസേനയും ബി.ജെ.പിയും പരസ്പരം കാലുവാരിയിട്ടുണ്ടെന്നും പ്രതിപക്ഷ നേതാക്കള്‍ പറയുന്നു.
