കണ്ണൂര്‍: വരുന്ന തെരഞ്ഞെടുപ്പില്‍ മുഖ്യമന്ത്രി പിണറായി വിജയനെതിരെ മത്സരിക്കാനില്ലെന്ന് കെ.പി.സി.സി നിര്‍വാഹക സിമിതി അംഗം മമ്പറം ദിവാകരന്‍. മാതൃഭൂമി ന്യൂസിനോടായിരുന്നു അദ്ദേഹത്തിന്റെ പ്രതികരണം.
‘ഇനി പിണറായി വിജയനോട് മത്സരിക്കാനില്ല. പിണറായി വിജയനോട് ഇനിയും മത്സരിക്കണമെന്ന് പാര്‍ട്ടി ഹൈക്കമാന്‍ഡ് പറഞ്ഞാല്‍ ഒരു കോണ്‍ഗ്രസുകാരന്‍ എന്ന നിലയില്‍ എനിക്ക് ഉത്തരവാദിത്വമുണ്ട്,’ മമ്പറം ദിവാകരന്‍ പറഞ്ഞു.
2016ല്‍ ധര്‍മ്മടം നിയോജക മണ്ഡലത്തില്‍ പിണറായി വിജയനെതിരെ മത്സരിക്കാന്‍ സ്വയം സന്നദ്ധനായി മുന്നിട്ടിറങ്ങിയ നേതാവാണ് ദിവാകരന്‍.
കണ്ണൂര്‍ കോണ്‍ഗ്രസിലെ ചില വ്യക്തികളുടെ സമീപനം കാരണമാണ് തനിക്ക് മടുപ്പുളവാക്കുന്നതെന്നും അതിനാല്‍ ഇത്തവണ അവസരം പിണറായിക്കെതിരെ മത്സിക്കാനില്ലെന്നും ദിവാകരന്‍ പറഞ്ഞു.
അമ്പത് വര്‍ഷത്തോളം കോണ്‍ഗ്രസില്‍ പ്രവര്‍ത്തിച്ചെങ്കിലും തനിക്ക് അര്‍ഹമായ അംഗീകാരം ലഭിച്ചില്ലെന്നും അതിന് കാരണം ചിലരുടെ പ്രത്യേക താത്പര്യമാണെന്നും അദ്ദേഹം പറഞ്ഞു.
പിണറായി വിജയനുമായി നല്ല അടുപ്പമുണ്ടെങ്കിലും രാഷ്ട്രീയ പരമായി വിയോജിപ്പുണ്ടെന്നും അദ്ദേഹം പറഞ്ഞു.
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
Content Highlight: Congress leader says that he won’t contest against Pinarayi Vijayan