കഴിഞ്ഞ തവണ ഗോവയില്‍ കൈവിട്ടത് ഇനി ആവര്‍ത്തിക്കാതിരിക്കാന്‍ കോണ്‍ഗ്രസ്; മുന്‍ മുഖ്യമന്ത്രിയുടെ തന്ത്രം ഇങ്ങനെ
ഡൂള്‍ന്യൂസ് ഡെസ്‌ക്
Friday, 7th August 2020, 6:41 pm
പനാജി: ഗോവയില്‍ കഴിഞ്ഞ നിയമസഭ തെരഞ്ഞെടുപ്പില്‍ ബി.ജെ.പിയേക്കാള്‍ നാല് സീറ്റ് അധികം നേടിയിട്ടും അധികാരം കൈവിട്ടുപോകുന്നത് നോക്കി നില്‍ക്കാനെ കോണ്‍ഗ്രസിന് കഴിഞ്ഞിരുന്നുള്ളൂ. ഇക്കുറി അത് ആവര്‍ത്തിക്കരുത് എന്ന നിലപാടിലാണ് മുന്‍ മുഖ്യമന്ത്രിയും മുതിര്‍ന്ന കോണ്‍ഗ്രസ് നേതാവുമായ ദിഗംബര്‍ കമ്മത്ത്. അതിനുള്ള തന്ത്രവും കമ്മത്ത് പങ്കുവെച്ചു.
2022ല്‍ നടക്കാനിരിക്കുന്ന തെരഞ്ഞെടുപ്പില്‍ സമാനമനസ്‌ക്കരായ മുഴുവന്‍ പാര്‍ട്ടികളെയും ബി.ജെ.പിയ്‌ക്കെതിരെ അണിനിരക്കണമെന്നാണ് കമ്മത്തിന്റെ അഭിപ്രായം. പ്രാദേശിക പാര്‍ട്ടികളായ മഹാരാഷ്ട്ര ഗോമന്തക് പാര്‍ട്ടി, ഗോവ ഫോര്‍വേഡ് പാര്‍ട്ടി, എന്‍.സി.പി എന്നിവരെയെല്ലാം സഖ്യത്തില്‍ അണിനിരത്തണമെന്നാണ് കമ്മത്ത് നിര്‍ദേശിക്കുന്നത്. തന്റെ വ്യക്തിപരമായ അഭിപ്രായമാണിതെന്നും അദ്ദേഹം പറഞ്ഞു.
