രാമന്റെ അവകാശം ബി.ജെ.പിക്ക് വിട്ടുകൊടുക്കാനാവില്ലെന്ന് കോണ്‍ഗ്രസ്; ആരുടേയും സ്വകാര്യ സ്വത്തല്ലെന്നും ഭൂപേഷ് ഭാഗല്‍
ഡൂള്‍ന്യൂസ് ഡെസ്‌ക്
Friday, 14th August 2020, 9:59 am
റായ്പൂര്‍: രാമന്റെ അവകാശം ബി.ജെ.പിക്ക് മാത്രം വിട്ടുകൊടുക്കാനാവില്ലെന്ന് കോണ്‍ഗ്രസ്. രാമന് ആരുടേയും സ്വകാര്യ സ്വത്തല്ലെന്നും രാമന് മേല്‍ ആര്‍ക്കും പകര്‍പ്പവകാശം ഇല്ലെന്നും മുതിര്‍ന്ന കോണ്‍ഗ്രസ് നേതാവും ചത്തീസ്ഗഢ് മുഖ്യമന്ത്രിയുമായ ഭൂപേഷ് ഭാഗല്‍ പറഞ്ഞു
നിയമപരമായി നടക്കേണ്ട ഒരുകാര്യത്തിന്റെ അവകാശം പിടിച്ചെടുക്കാനാണ് ബി.ജെ.പി ശ്രമിക്കുന്നതെന്നും ഭാഗല്‍ പറഞ്ഞു.
ദ ഇന്ത്യന്‍ എക്‌സ്പ്രസിന് നല്‍കിയ അഭിമുഖത്തിലാണ് ഭാഗലിന്റെ പ്രതികരണം.
ഇന്ന് ഇന്ത്യ ഭരിക്കുന്നത് മറ്റൊരു സര്‍ക്കാറായിരുന്നെങ്കിലും ആ സര്‍ക്കാരിന്റെ പ്രധാനമന്ത്രി ഈ ശിലാസ്ഥാപനം നടത്തുമായിരുന്നെന്നും ഭാഗല്‍ പറഞ്ഞു.
