പത്മജയേയും ബിന്ദു കൃഷ്ണയേയും ഒഴിവാക്കി കോണ്‍ഗ്രസ്; വനിതാ വൈസ് പ്രസിഡന്റുമാരില്ലാതെ കെ.പി.സി.സി ഭാരവാഹി പട്ടിക
ഡൂള്‍ന്യൂസ് ഡെസ്‌ക്
Thursday, 21st October 2021, 10:34 am
തിരുവനന്തപുരം: വനിതാ വൈസ് പ്രസിഡന്റുമാരില്ലാതെ കെ.പി.സി.സി ഭാരവാഹി പട്ടിക.
കെ.പി.സി.സി ഭാരവാഹിത്വത്തില്‍ ആര്‍ക്കും ഇളവ് നല്‍കേണ്ടെന്ന സംസ്ഥാന നേതൃത്വത്തിന്റെ ശുപാര്‍ശ കോണ്‍ഗ്രസ് ഹൈക്കമാന്റ് അംഗീകരിച്ചതോടെയാണ് വൈസ് പ്രസിഡന്റ് പട്ടികയില്‍ നിന്നും വനിത പ്രസിഡന്റുമാര്‍ ഒഴിവായത്. 4 വൈസ് പ്രസിഡന്റുമാരാണ് ഉണ്ടായിരിക്കുക. ഇതില്‍ വനിതകള്‍ ആരുമില്ല.
ഇതോടെ വൈസ് പ്രസിഡന്റ് പദവിയിലേക്ക് പരിഗണിച്ചിരുന്ന പത്മജ വേണുഗോപാലിനെ ഒഴിവാക്കി. പത്മജ നിര്‍വാഹക സമിതി അംഗമാവും.
കൊല്ലം ഡി.സി.സി പ്രസിഡന്റ് ബിന്ദു കൃഷ്ണയേയും ഒഴിവാക്കി. എന്നാല്‍ ജനറല്‍ സെക്രട്ടറിമാരുടെ എണ്ണം 19 ല്‍ നിന്നും 22 ആയി ഉയര്‍ത്തിയിട്ടുണ്ട്. 3 വനിതകളെ കൂടി ഉള്‍പ്പെടുത്താന്‍ തീരുമാനിച്ചതോടെയാണിത്.
