നിങ്ങളുടെ സംസ്‌കാരവും സ്വത്വവും നശിപ്പിക്കാന്‍ നിങ്ങള്‍ അനുവദിക്കുമോ? കോണ്‍ഗ്രസിനെ പഴിച്ച് അസമില്‍ മോദിയുടെ തെരഞ്ഞെടുപ്പ് പ്രചാരണം
ഡൂള്‍ന്യൂസ് ഡെസ്‌ക്
Wednesday, 24th March 2021, 8:09 pm
ഗുവാഹത്തി: കോണ്‍ഗ്രസിനെതിരെ രൂക്ഷവിമര്‍ശനവുമായി പ്രധാനമന്ത്രി നരേന്ദ്ര മോദി. അസമിന്റെ സ്വത്വം നശിപ്പിക്കുന്നതിന് അടിത്തറയിട്ടിട്ടുള്ള ആളുകളുടെ കൈയാണ് കോണ്‍ഗ്രസിന്റേതെന്ന് മോദി ആരോപിച്ചു.
വോട്ട് ബാങ്ക് രാഷ്ട്രീയത്തിലൂടെ കോണ്‍ഗ്രസ് അധികാരം പിടിച്ചെടുക്കാനുള്ള ആഗ്രഹമാണ് കോണ്‍ഗ്രസ്സിനെന്നും മോദി പറഞ്ഞു.
അസമിന്റെ സംസ്‌കാരവും സ്വത്വവും നശിപ്പിക്കാന്‍ ശ്രമിക്കുന്ന കോണ്‍ഗ്രസിന് അസമിലെ ജനങ്ങള്‍ വോട്ട് നല്‍കുമോയെന്നും മോദി ചോദിച്ചു.
കോണ്‍ഗ്രസിന് വോട്ടിനായി എന്തും ചെയ്യുമെന്നും ആര്‍ക്കൊപ്പം വേണമെങ്കിലും നില്‍ക്കുമെന്നും ആരെയും വഞ്ചിക്കുമെന്നും മോദി ആരോപണം ഉന്നയിച്ചു.
