ഗോവ പിടിക്കാനുറച്ച് കോണ്‍ഗ്രസ്; തന്ത്രം മെനയാന്‍ ചിദംബരം
ഡൂള്‍ന്യൂസ് ഡെസ്‌ക്
Monday, 9th August 2021, 8:15 pm
പനജി: വരാനിരിക്കുന്ന ഗോവ തെരഞ്ഞെടുപ്പില്‍ കോണ്‍ഗ്രസിന്റെ തന്ത്രങ്ങള്‍ക്ക് ചുക്കാന്‍ പിടിക്കുക മുന്‍ കേന്ദ്രമന്ത്രി പി. ചിദംബരം. സംസ്ഥാനത്തെ പാര്‍ട്ടി നിരീക്ഷകനായി ചിദംബരത്തെ നിയമിച്ചതായി കെ.സി വേണുഗോപാല്‍ അറിയിച്ചു.
40 അംഗ നിയമസഭയിലേക്ക് അടുത്ത വര്‍ഷം ഫെബ്രുവരിയിലാണ് തെരഞ്ഞെടുപ്പ് നടക്കുന്നത്. 2017 ലെ തെരഞ്ഞെടുപ്പില്‍ കോണ്‍ഗ്രസാണ് ഏറ്റവും വലിയ ഒറ്റക്കക്ഷിയായത്.
എന്നാല്‍ പ്രാദേശിക പാര്‍ട്ടികളുമായി ചേര്‍ന്ന് ബി.ജെ.പി അധികാരം പിടിക്കുകയായിരുന്നു.
ബി.ജെ.പിക്ക് 13 സീറ്റുകള്‍ ലഭിച്ചപ്പോള്‍ 17 സീറ്റായിരുന്നു കോണ്‍ഗ്രസിന് ലഭിച്ചത്.
