ബി.ജെ.പി അധ്യക്ഷന്‍ പാകിസ്താന്‍ തെരഞ്ഞെടുപ്പില്‍ മത്സരിക്കാന്‍ തീരുമാനിച്ചിട്ടുള്ളതായി തോന്നുന്നുവെന്ന് കോണ്‍ഗ്രസ്
ഡൂള്‍ന്യൂസ് ഡെസ്‌ക്
Thursday, 29th October 2020, 11:49 pm
ന്യൂദല്‍ഹി: ബി.ജെ.പിക്കെതിരെ പരിഹാസവുമായി കോണ്‍ഗ്രസ്. ബി.ജെ.പി അധ്യക്ഷന്‍ ജെ.പി നദ്ദ കോണ്‍ഗ്രസ് നേതാവ് രാഹുല്‍ ഗാന്ധിയെ വിമര്‍ശിച്ചതിന് പിന്നാലെയാണ് മറുപടിയുമായി കോണ്‍ഗ്രസ് വക്താവ് രംഗത്തെത്തിയിരിക്കുന്നത്.
ബി.ജെ.പി അധ്യക്ഷന്‍ പാകിസ്താനില്‍ തെരഞ്ഞെടുപ്പിന് മത്സരിക്കാന്‍ പോവുകയാണെന്നും അതുകൊണ്ടാണ് പാകിസ്താന്‍ ടിവി ചാനല്‍ കാണുന്നതും ബീഹാര്‍ തെരഞ്ഞെടുപ്പ് സമയത്ത് അയല്‍ രാജ്യത്തെക്കുറിച്ച് സംസാരിക്കുന്നതെന്നും ഗൗരവ് വല്ലഭ് പറഞ്ഞു.
‘കോണ്‍ഗ്രസ് രാജകുമാരന്’ ഇന്ത്യയിലുള്ള ഒന്നും വിശ്വാസമില്ലെന്നായിരുന്നു രാഹുല്‍ ഗാന്ധിയെ പരിഹസിച്ചുകൊണ്ട് പറഞ്ഞത്.
